Amici (已結業)

今日黎左中環食飯，朋友之前去左Amici食晚飯，大讚依間餐廳環境好，味道又唔差。今日一個人黎到中環，午餐就去試試啦。一入到黎餐廳地方唔算大，但是中午時間滿座要等位。擺設都幾有趣。午餐選擇有幾款，我就叫左款素菜。先來香草麵包。軟熟麵包清清香草味，入口清新，配上黑醋汁味道幾開胃。沙律菜配油醋汁。沙律爽脆清新，配上蘋果好開胃，合桃脆卜卜，我好鐘意食果仁。素菜千層。濃濃忌廉和芝士，岩哂鐘意芝士的我。新薯有3件，配上濃濃芝士和蔬菜，入口唔會好膩，味道反覺清新。