鳥駅

营业中

休息中

餐廳位於嘉咸街，係中環扶手電梯去到大館附近再行多兩三分鐘就到。入到餐廳有個沙發位，可以飲酒。而埋邊就係吧枱，環境闊落。餐廳服務一流，有locker 可以放低手袋。店員亦會幫忙掛起外套。每個座位都有得俾客人充電。店員服務亦非常細心。呢間係燒鳥專門店，有唔同嘅雞集部位串燒。今次試左串燒Omakase。內容包括：前菜 有漬物 蒜頭同牛蒡沙律 🥑牛油果帶子刺身沙律 非常大碟，帶子新鮮，牛油果都好靚。沙律菜都非常新鮮。串燒🪽首先係燒雞翼，外皮燒到勁脆，入邊雞肉又保持嫩滑。🌱大蔥雞肉串，大蔥清甜，雞肉加上燒汁味道剛好。🐤雞腎 爽脆🐾雞掌心 外層香脆，內裏爽口，第一次食。感覺比雞軟骨爽一點。🫀雞心 加了rosemary🥢白果 鹽燒白果，喜歡🥫煙肉車厘茄 串燒必食👅牛舌 牛舌厚度剛好，多汁，絕不煙韌。🐟燒白鱔 外皮超脆口，亦保持到魚肉嫩口同多汁。主食🍜雞湯烏冬 雞味濃郁，烏冬幼滑。🍙明太子燒飯團配雞湯 明太子燒飯團亦燒到非常脆，大讚。甜品🍦朱古力雪糕總結，師傅用心，服務優質。值得推薦，期待下次再試更多特別部位。👍🏻