Shahrazad Lebanese Dining Lounge & Bar

如果平時嘅西餐食到悶哂，不妨可以試吓中環雲咸街嘅黎巴嫩餐廳「Shahrazad」。餐廳設計用上深藍色嘅中東設計風格，加上藍色射燈做點綴，有一種異國風情。Shrimp Matffie有啲似西班牙嘅蒜油蝦，用左橄欖油油浸方式，加入芫荽、檸檬和紅椒等多種材料。蝦身夠彈牙又有油香。Kebbeh Bel Labban依款係黎巴嫩常見嘅菜式，用左羊肉碎、小麥碎和洋蔥混合而成嘅肉球。煎香之後再加入靈魂嘅乳酪醬，味道充滿肉香又有乳酪嘅酸味。Samake Bil Tahini鐵鑊上面嘅係香煎鱈魚，魚肉厚身夠嫩滑，連魚皮一樣煎香脆。配搭芝麻醬可以帶返少少甜味出嚟。Lebneh白色嘅醬汁其實就係乳酪，加入橄欖油、青新嘅酸瓜製造出來。我自己就鍾意配搭烤餅一齊食。