影片
更多
2025-05-19
33 浏览
同朋友收工過嚟happy hour，順便叫返幾碟嘢食，拋開一日嘅煩惱。Pickled Tomato Salad個番茄剝晒皮，乾乾淨淨，圓鼓鼓咁，好靚。入口冰冰涼涼，仲有陣輕輕嘅甜味，配埋自家製嘅奶油，好滑好柔，鹹甜啱啱好，開胃。Hamachi油甘魚新鮮，魚脂豐腴，鹹鮮中帶少少苦瓜嘅苦，但呢個苦係嗰種好清新嘅苦，完全唔覺得怪，加埋少少酸汁，成個口感層次好豐富，同紅酒/白酒都夾。Pumpkin Purée呢個焦糖南瓜係我每次嚟都一定要叫嘅。南瓜質感超級綿密，食落好似融喺口入面咁，完全冇粗糙感。表面灑咗啲焦糖，帶少少脆脆口感，仲有淡淡嘅焦香味，同南瓜嘅甜味撞埋一齊，真係好滿足。最近減澱粉，都忍唔住食多幾啖。TONKA TSU炸豬扒外皮炸得香口酥脆，完全唔覺得油膩，內裡嘅豬肉係嫩到出汁。佢仲特登整咗個yogurt醬，酸酸甜甜，好清新，配埋炸豬扒一齊食，好balance，食到最後都唔會覺得滯。Hairy Crab Butter Udon烏冬條條彈牙，唔會太淋，醬汁濃稠得嚟又唔會膩，啖啖蟹膏香仲帶少少牛油嘅滑溜感。佢仲灑咗啲蔥花、芝麻，加埋蛋黃，攪勻咗食，每啖都好有層次感。食完忍唔住同朋友講：「呢
Pickled Tomato Salad
個番茄剝晒皮，乾乾淨淨，圓鼓鼓咁，好靚。入口冰冰涼涼，仲有陣輕輕嘅甜味，配埋自家製嘅奶油，好滑好柔，鹹甜啱啱好，開胃。
Hamachi
油甘魚新鮮，魚脂豐腴，鹹鮮中帶少少苦瓜嘅苦，但呢個苦係嗰種好清新嘅苦，完全唔覺得怪，加埋少少酸汁，成個口感層次好豐富，同紅酒/白酒都夾。
Pumpkin Purée
呢個焦糖南瓜係我每次嚟都一定要叫嘅。南瓜質感超級綿密，食落好似融喺口入面咁，完全冇粗糙感。表面灑咗啲焦糖，帶少少脆脆口感，仲有淡淡嘅焦香味，同南瓜嘅甜味撞埋一齊，真係好滿足。最近減澱粉，都忍唔住食多幾啖。
TONKA TSU
炸豬扒外皮炸得香口酥脆，完全唔覺得油膩，內裡嘅豬肉係嫩到出汁。佢仲特登整咗個yogurt醬，酸酸甜甜，好清新，配埋炸豬扒一齊食，好balance，食到最後都唔會覺得滯。
Hairy Crab Butter Udon
烏冬條條彈牙，唔會太淋，醬汁濃稠得嚟又唔會膩，啖啖蟹膏香仲帶少少牛油嘅滑溜感。佢仲灑咗啲蔥花、芝麻，加埋蛋黃，攪勻咗食，每啖都好有層次感。食完忍唔住同朋友講：「呢碟嘢真係值。」
最後嚟返啲甜品作結。抹茶芝士芝士味濃郁但唔會膩，幾輕巧；蜜瓜味大福有煙靭靭嘅糯米皮，個人好中意，蜜瓜味餡幾特別。
张贴
