影片
更多
2025-07-14
87 浏览
今次去食呢間餐廳其實佢哋以往整Cocktail同Party都相當出名，但估唔到原來佢哋食物晚餐都一樣咁正。裝修超有格調就唔在講，每一道菜都精緻得似藝術品，即刻同大家開心share！💫 **🐚 AKAGAI** 赤貝切成薄片，口感爽脆帶淡淡海水味🌊，配搭嫩綠蘆筍同微辣醬汁，鮮甜中帶刺激！辣醬唔會搶味，反而提升咗赤貝的鮮美，開胃感滿分～ **🥗 SHREDDED CELTUCE SALAD** 切絲萵筍脆嫩清新，面頭鋪滿晶瑩剔透的三文魚子，咬落「卜卜」爆汁！大根茸同木魚花增添日式風情，檸檬醬汁輕盈帶少少酸味，完美平衡～ **🎃 CARAMELIZED PUMPKIN** 南瓜烤到焦糖化，外脆內軟，甜度自然～肉桂香氣溫暖迷人，杏仁碎增加口感，似食緊高級版南瓜派！🍂 **🐟 CHARCOAL GRILLED EEL** 鰻魚用炭火慢烤，外皮脆到似紙，肉質卻嫩滑到入口即化～刷上秘製醬汁，甜中帶燻香，再加埋店員會即時用木炭在焫㷫鰻魚表面，層次感爆棚！🔥 **🥩 A4 WAGYU CUTLET CHARCOAL SANDO** A4和牛炸到外脆內嫩，肉汁多到要用手巾接住～🍞 麵包烘到微脆，夾住和牛同
今次去食呢間餐廳其實佢哋以往整Cocktail同Party都相當出名，但估唔到原來佢哋食物晚餐都一樣咁正。裝修超有格調就唔在講，每一道菜都精緻得似藝術品，即刻同大家開心share！💫
**🐚 AKAGAI**
赤貝切成薄片，口感爽脆帶淡淡海水味🌊，配搭嫩綠蘆筍同微辣醬汁，鮮甜中帶刺激！辣醬唔會搶味，反而提升咗赤貝的鮮美，開胃感滿分～
**🥗 SHREDDED CELTUCE SALAD**
切絲萵筍脆嫩清新，面頭鋪滿晶瑩剔透的三文魚子，咬落「卜卜」爆汁！大根茸同木魚花增添日式風情，檸檬醬汁輕盈帶少少酸味，完美平衡～
**🎃 CARAMELIZED PUMPKIN**
南瓜烤到焦糖化，外脆內軟，甜度自然～肉桂香氣溫暖迷人，杏仁碎增加口感，似食緊高級版南瓜派！🍂
**🐟 CHARCOAL GRILLED EEL**
鰻魚用炭火慢烤，外皮脆到似紙，肉質卻嫩滑到入口即化～刷上秘製醬汁，甜中帶燻香，再加埋店員會即時用木炭在焫㷫鰻魚表面，層次感爆棚！🔥
**🥩 A4 WAGYU CUTLET CHARCOAL SANDO**
A4和牛炸到外脆內嫩，肉汁多到要用手巾接住～🍞 麵包烘到微脆，夾住和牛同清爽大根茸蛋黃醬，油膩感全消！每一啖都係幸福の味道～💖
**🍵 Matcha Cheesecake**
芝士蛋糕質地綿密，抹茶味濃郁帶少少回甘～🍃甜味適中，配埋餅底脆脆，口感豐富到令人驚艷！
**🍈 Mini Melon Daifuku**
外皮軟糯，入面係清甜蜜瓜肉～🍈 一口size剛剛好，甜度適中，作為飯後甜品超完美！
**🍸 Onyx**
你杯Cocktail感覺好似神秘の夜咁，深色調的酒體，炭焙烏龍的煙燻香同梅子的酸甜交織，口感複雜又迷人～適合慢慢品嚐！
**🍹 Amber**
至於另一杯就調返轉，好似陽光の味道，口感順滑如絲，牛油果油的豐潤同蜂蜜的甜香平衡得啱啱好～香蕉脆增加驚喜，飲完成個人都有種度假feel！☀️
张贴
