瘋狂小面 (佳德商業大廈)

营业中

休息中

喜歡食辣嘅我，又點可以錯過係公司附近嘅呢間川菜。有唔同嘅套餐組合，我就叫左有齊粉麵、飲品、小食同甜品嘅套餐。麵類有牛肉麵/大腸麵等熱門選擇，不過我始終對酸辣粉情有獨鍾。有得揀辣度，不過小辣對我已經夠哂惹味。湯底好濃，有大量炸醬同花生。薯粉好煙韌，掛湯感亦不錯。小食三揀一，我揀左泡椒鳳爪，酸酸辣辣嘅冷盤，都幾腍。另外仲有涼拌木耳/蒜泥青瓜。成都老冰粉係我好喜歡嘅四川甜品。冰粉配上芝麻、花生、山揸粒同提子乾，清爽解辣🙌🏻最後飲埋烏梅汁，生津解渴之餘，仲幫助消化添！