影片
更多
2023-04-24
1133 浏览
我媽咪好鍾意飲茶同食齊🫖我今日專登帶佢來中環❦樂茶軒❦嘆返杯靚茶，樂茶軒多年來被本地同國際媒體評為香港之寶，城市中嘅綠州及香港文化必到景點。當中包括被～American Express Essentials～評選為全球最佳素食餐廳之一(香港公園店)被~Cathay Pacific Discovery~譽為香港最佳品嚐及買茶地點之一,及被(Lonely Planet)~Louis Vuitton City Guide~和多逾50個國家旅遊指南等媒體大力推薦。創辦人葉榮枝先生更走遍中國，實地到中國茶葉產地作深入調查及考察。地點位於中環大館總部大樓地下，呢到以前係舊中區警署，周圍滿佈打卡位，可以揀露天座位都得，我地揀左喺鋪頭入面座，裝修得好有格調👍🏻中西合璧，重放住古箏音樂，喺到飲茶真係好好feel,好似返左古代噤😀好寫意，除左環境好，茶同素食點心都做得好出色精緻❤️全部即叫即做熱辣辣👍🏻超級推薦大家來。有機鳳凰單欉 即係廣東人叫嘅烏龍茶，呢到啲茶全部用特製嘅茶居上，即時覺得自己成個品茶師一樣😆打卡呃like一流👍🏻，同平時飲嘅烏龍茶唔同，入口醇柔甘爽，茶味飽滿，高山蜜韻突出，齒頰留香😋20
地點位於中環大館總部大樓地下，呢到以前係舊中區警署，周圍滿佈打卡位，可以揀露天座位都得，我地揀左喺鋪頭入面座，裝修得好有格調👍🏻中西合璧，重放住古箏音樂，喺到飲茶真係好好feel,好似返左古代噤😀好寫意，除左環境好，茶同素食點心都做得好出色精緻❤️全部即叫即做熱辣辣👍🏻超級推薦大家來。
有機鳳凰單欉 即係廣東人叫嘅烏龍茶，呢到啲茶全部用特製嘅茶居上，即時覺得自己成個品茶師一樣😆打卡呃like一流👍🏻，同平時飲嘅烏龍茶唔同，入口醇柔甘爽，茶味飽滿，高山蜜韻突出，齒頰留香😋
2013年陳皮普洱 呢個我推薦必點🤤🤤好飲到不得了，我未試過飲到噤正嘅普洱，我媽都讚不絕口，佢有陳皮嘅果皮香味，入口回味甘甜，細膩爽滑，一啲苦澀味都冇👍🏻👍🏻好茶好茶
薑汁小籠包 呢度啲點心全部即叫即蒸😋皮簿餡多，最正係碟醋啲薑絲切到好幼，點埋一齊食🤤正到暈
素蝦木耳餃 啲素蝦同啲木耳多到不得了👍🏻入口爽身
豉油皇炒素牛腸粉 啲腸粉好Q彈好滑，唔會炒到一pat pat架，條條分明，唔會過鹹過淡，記得點埋佢跟嘅辣椒醬來食👍🏻呢個都係必點之選
香煎芋絲餅 芋絲餅我本人係唔好嘅，不過老媽子鍾意食，所以叫左，真係煎得好香脆，芋頭香味濃郁，會食到一條條嘅芋絲🤤煎得好實正，唔會一夾就散，超有口感👍🏻推介
孜然彩椒羊肉串 呢到啲師父真係好有心機，將菠蘿，紅椒青椒黄椒洋蔥串埋一齊，五顏六色，未食齊睇都好開胃🤤唔講比我聽係素食，我真係會以為係羊肉😂肉汁juicy加埋我最愛嘅孜然粉🤤正
薑汁膏 上枱時出晒熱😛👍🏻我未試過喺酒樓食糕點見到出煙架👍🏻香軟彈牙到不得了🤤好煙韌，唔會太甜，好岩我地兩母女口味👍🏻
嘆完茶重可以行過隔離茶店旗艦店買茶，有一系列茶葉商品，當中包括中國茶葉，花茶，冷泡茶，茶具，茶刊物及茶服等⋯⋯我都買左兩包陳皮普洱返屋企嘆😛飲完茶去茶店買野重有九折添
张贴
