鳥駅

营业中

休息中

👩🏼‍🤝‍👨🏻放假同朋友喺中環搵地方醫肚，揀咗去鳥駅食燒烏 。一入去就聞到陣陣炭香，坐喺開放式串燒吧枱，望住師傅即燒，成個過程好療癒。後面仲有個小酒吧位，氣氛 chill chill，可惜今次冇飲，下次要補返杯🍶。成間舖走高級日式風，木枱木櫈坐得舒服，燈光暖暖地，靜靜地嘅 vibe 好啱放鬆。前菜係煙燻蘿蔔夾芝士，一咬落去煙燻味撲鼻，配埋微鹹嘅芝士，口感層次幾特別，開胃又有驚喜。🥢 串燒方面冇踩雷：雞翼、雞頸、雞大腿、豬肋條、白鱔、牛小排，每串都燒得啱啱好，外香內嫩，調味唔會太重，食得出食材本身嘅味道。鵪鶉蛋煙韌得意，小青椒微辣唔搶戲。🍙 原本冇諗住叫燒飯團，但見到隔離枱嗌咗，香到忍唔住跟風。結果真係冇失望，外層微焦，咬落去熱辣辣，醬油味滲晒入飯粒，好驚喜！🍜 最後叫咗碗雞湯烏冬暖吓胃，再加個焦糖大福收尾，甜得啱啱好。兩個人食得飽飽地，氣氛又好，成晚都幾開心😌。