影片
更多
2024-04-10
42 浏览
近排朋友有開心事慶祝，專登喺中環揀咗呢間高級少少嘅餐廳一齊慶祝。而呢間餐廳亦冇令我失望，不論格調，定係食物質素，絕對係作為慶祝餐廳嘅首選。Akagai | Ark Shell Clam, Asparagus, Spicy Sauce $138前菜方面，我哋嗌咗醃赤貝。佢嘅食材配搭相當有創意，以鹹鹹地嘅赤貝加上一啲比較清爽嘅蘆筍，再加上少量辣醬，既清新又帶點鹹同埋辣，令到味蕾有啲刺激感，以開胃小菜嚟計絕對係十分成功。Shredded Celtuce Salad | Salmon Roe, Grated Daikon, Bonito Flakes $68呢個沙律同平時食開嘅沙律完全唔同，如果唔睇餐牌，完全唔會知呢個係一個沙律。感覺上就好似食緊一啲萵筍絲冷麵一樣，口感相當清爽，係一個全新亦都有趣嘅體驗。Caramelized Pumkin $88每一嚿南瓜外層都鋪咗一層脆脆嘅焦糖，甜得來又唔會太過膩，而啲南瓜亦都煮得啱啱好，咬落去好淋而相當有口感，而且呢個份量嘅南瓜作為主菜亦都唔會過分，絕對唔需要驚太少。Charcoal Grilled Eel $288呢個一定係打卡首選，店員會喺你面前用長
Akagai | Ark Shell Clam, Asparagus, Spicy Sauce $138
前菜方面，我哋嗌咗醃赤貝。佢嘅食材配搭相當有創意，以鹹鹹地嘅赤貝加上一啲比較清爽嘅蘆筍，再加上少量辣醬，既清新又帶點鹹同埋辣，令到味蕾有啲刺激感，以開胃小菜嚟計絕對係十分成功。
Shredded Celtuce Salad | Salmon Roe, Grated Daikon, Bonito Flakes $68
呢個沙律同平時食開嘅沙律完全唔同，如果唔睇餐牌，完全唔會知呢個係一個沙律。感覺上就好似食緊一啲萵筍絲冷麵一樣，口感相當清爽，係一個全新亦都有趣嘅體驗。
Caramelized Pumkin $88
每一嚿南瓜外層都鋪咗一層脆脆嘅焦糖，甜得來又唔會太過膩，而啲南瓜亦都煮得啱啱好，咬落去好淋而相當有口感，而且呢個份量嘅南瓜作為主菜亦都唔會過分，絕對唔需要驚太少。
Charcoal Grilled Eel $288
呢個一定係打卡首選，店員會喺你面前用長方形嘅炭煎鰻魚嘅外皮，包你視覺聽覺味覺上都得到滿足。而且佢都唔係得個望字，食起上嚟亦都好好食。外皮煎到脆卜卜卜，二鰻魚嘅調味同埋肉質亦都煮得相當出色，不過要小心入面可能有少少魚骨，同小朋友嚟食就要小心啲。
A4 Wagyu Cutlet Charcoal Sando $328
呢個絕對係今日嘅重中之重，就係為咗呢個和牛三文治而揀呢間餐廳的。佢嘅和牛絕對冇偷工減料每一塊都好厚，加上煎得脆脆哋嘅外皮，絕對係我食過最好食嘅三文治之一。
张贴
