青木日本料理 (已結業)

之前叫過一次外賣，今次就坐低堂食。二人食晚飯，等一陣就有位，但張枱仲有用過既紙巾同蟹籽……19:50下單，叫咗一客鰻魚壽司，兩客三文魚壽司，一客軟殼蟹卷，一客雜錦魚生飯。20:23先有鰻魚同三文魚壽司，無豉油碟又無wasabi，要舉手請侍應埋嚟叫先有，啲三文魚壽司還要無魚味，差過上次外賣嘅好多，超級市場啲三文魚仲好味過佢。全場都等好耐先有嘢食，要不斷催單，唔知要等多幾耐先再上埋其他嘢，食完三件壽司果斷cut單走人，過隔離餐廳。