青木日本料理 (已結業)

午飯時間帶住細路, 要坐得好食得好, 仲要價錢平, 真係唔容易, 呢間日本餐廳坐落幾舒服, 餐牌內的價錢幾大眾化, 午餐$44送蜂蜜綠茶, 著校服的仲可以減 $10, 難怪每次經過都被學生佔據全店 ，今天星期六無學生終於可以試下， 點咗萬里香雞肉炒烏冬, 自家制豬軟骨飯及燒豬頸肉飯, 個烏冬好味到亞仔食唔停口, 香草味及醬汁夾得好好, 食完仲想添食; 豬軟骨夠冧, 厚身有口感, 味濃濃配白飯剛剛好; 燒豬頸肉飯, 似係泰式, 原來餐牌寫係泰日式制作, 香口大大碟, 唔理得佢泰式定日式, 總之好味就可以. 本來好地地享受緊, 亞仔無喇喇扭眼瞓, 坐唔定又唔肯走, 終於老闆送來了閃光棒, 哈哈哈 ! 食午飯竟然有玩具送, 多謝老闆的細心, 亞仔最終乖乖地坐定定, 比我哋可以好好咁食餐晏. 有人情味的小店真好. 下次必然再幫襯.

朋友介紹食火鍋放題, 假日 $138 任飲任食, 仲有日式熟食任叫, 雖然在屯門區有點小遠, 但咁平真係要試下,  還好附近的公眾停車場都幾大,  算係就腳, 店內都幾寛敞, 枱與枱之間的空間好足夠, 沒有一般食店的擠迫.火鍋係三式湯, 鴛鴦鍋見得多, 三格鍋都係頭一次見幾特別, 當中以豬骨湯最好味, 我無試過地獄湯, 但朋友說不太辣, 店內有辣椒供食客自行加辣的, 湯底不另收費的,  食物是大堆頭式的送上, 遞送速度幾快,  不美觀但尚算尚新鮮.店長推介水餃, 說是自家店出品, 水餃內的應該是韮菜豬肉及香草, 韮菜香味濃郁, 皮簿整體口感幾好 !  另外, 泡菜豚肉炒年糕及芝麻雞翼也是必食的, 沾有泡菜肉汁的年糕原來可以咁好食, 芝麻雞翼係炸香脆的, 一晚重覆 order 最多的應該係這款雞翼, 所有熟食都是即叫即做, 上枱時都是熱辣辣的.  整體感覺好食抵食, 可以再去.

以前食過質素普通，吾值咁高格，早排見佢出火鍋走去試下，同以前好大分別啲湯有3種，辣味個人覺得普通，醬油同豬骨幾好，食肉一定用豬骨湯，菜類吾算多，不過幾新鮮，服務員幾有人情味，個炒飯就真係不得了，好食到呢，食左4次，叫夠4次，不過份量就多左啲，肉雖然吾係好頂嗰啲，不過呢個價錢就差吾多啦啲炸物吾算等太耐，不過炸粉厚左啲，但串燒吾同，串燒類吾多，不過幾好食，雞腎就難咬左少少，但個雞皮同雞軟骨就吾錯，飲品吾算少，啲醬自己攞，有蛋黃醬都正常，但估吾到有埋芝麻醬炒飯同串燒真係每次去都必叫

難食到要開ac寫食評叫左晚市壽司定食（$108，魷魚、三文魚、北寄貝、熟蝦、蟹柳小卷各兩件），佢話包沙律、前菜、味噌湯、飲品，我第一次問話晚市唔包，然後補返個味噌湯，裡面豆腐是凍的，沙律是西生菜（完。），佢話沙律同湯就係前菜，但佢分開寫，可能我理解能力比較差。玉子燒（$20）凍嘅，面頭燒左一下胡麻豆腐沙律（$48）西生菜、豆腐、蟹子，係咁多七味粉燒豬頸肉（$58）仲有：地下滑到hihi（利申：著緊水鞋）落單時得兩台人，佢要我自寫單（不過我ok的）檸水得一片檸檬兩位侍應都係唔想做咁樣同場前後五台人、只有一台冇投訴

於2018年6月25日拍攝(我上一個post張相消失左，重po)你會見到同我上一個post 既圖1圖2相差幾遠今次碗丼飯入面得三文魚魚粒，蛋粒，同油甘魚魚粒3粒，冇錯係得三粒姐我拎到碗飯嗰刻真係爆粗啲魚生一啲都鋪唔滿，蓋唔住成碗飯啲三文魚子呢？呑拿魚魚粒呢？八爪魚粒呢？全部去晒邊？消失晒！唔好話碗飯成$48 , 根本$20都唔值B5 係叫雜錦碎魚生飯，而唔係三文魚碎魚生飯， 你個雜錦去咗邊？？而且我今次去食係冇前菜，餐牌上面係寫到明包前菜而且餐牌雜錦碎魚生飯張相，同我今日食到個飯嗰張相， 相差幾遠。。。根本就違反商品說明條例

星期六晚同朋友去晚餐，剛坐低朋友即同我講:不要叫刺身食！我吾知佢點解咁講，仲係叫咗$188的刺身併盤試吓。當併盤送上時我真的O咀囉，第一次見刺身係冇冰粒墊底，就咁放係一個長型碟上、新鮮度0、賣相0、超市夜晚賣吾出的仲靚過佢！最終我都有試咗2块，但真係放吾入口囉，叫服務員收走了…後來我有留意到餐廳入門口右手就係吧枱，吧枱裡面有2個女廚師負責刺身工作，並沒有戴上帽也沒穿廚師服！順便一提服務也勁差！！D服務員的質素……以後不會再光顧！！

琴日我地五個係置樂覓食，見到呢間野餐牌幾平，就入去試下喇。中過伏，未中過甘大既伏！首先入到黎就淨係比個貴價餐牌我地，無晒係門口見到啲套餐。問個待應有冇套餐，佢又唔多禮貌拎個套餐餐牌出黎。仔細一睇，咦，上面痴左張紙，晚市加多20蚊。好啦，都入左黎，唔通又出番去咩⋯⋯本來覺得幾平民既58蚊魚生飯，突然又幾番78蚊一碗😓我地叫左什錦碎魚生飯、三文魚親子丼同埋舌拿魚魚腩蓉飯。什錦碎魚生飯，平時食開啲魚生飯，最多係無咩味，佢呢個成碗野都有陣若隱若現的腥味⋯⋯三文魚親子丼，個樣好空虛，朋友話食落個味都好空虛⋯⋯舌拿魚魚腩蓉飯，重點黎啦，魚蓉鋪係飯面薄過張紙，朋友話撈完好似食緊白飯甘🤗差唔多食完既時候，先醒起跟餐係有杯野飲同麵豉湯，就又追下佢啦😓佢擺低幾杯所謂既凍蜂蜜綠茶同埋一碟淋左啲胡麻醬既生菜（跟餐前菜）之後，竟然話麵豉湯係先到先得，送完即止。坦白講，我真係未試過食日本餐廳會同我講麵豉湯先到先得😒重點係我係有比錢跟餐架，而家唔係佢白送比我飲！杯凍蜂蜜綠茶原來同一開始坐低每人一杯茶係同一隻味😒只不過係加左冰同埋糖漿。岩岩食完無幾耐，就已經比人執晒臺趕走，到埋單果陣，佢找左一大堆2蚊比我，問佢可唔可

之前叫過一次外賣，今次就坐低堂食。二人食晚飯，等一陣就有位，但張枱仲有用過既紙巾同蟹籽……19:50下單，叫咗一客鰻魚壽司，兩客三文魚壽司，一客軟殼蟹卷，一客雜錦魚生飯。20:23先有鰻魚同三文魚壽司，無豉油碟又無wasabi，要舉手請侍應埋嚟叫先有，啲三文魚壽司還要無魚味，差過上次外賣嘅好多，超級市場啲三文魚仲好味過佢。全場都等好耐先有嘢食，要不斷催單，唔知要等多幾耐先再上埋其他嘢，食完三件壽司果斷cut單走人，過隔離餐廳。

食到火滾既日本餐，叫左二人餐再加個鰻魚飯定食，定食上枱時只有一碟鰻魚加一碗白飯，明明見門口餐牌寫住定食係包括沙律、前菜、麵豉湯，再問之下其中一侍應話原來無呢個餐，奇怪之下再問貌似老闆的人，佢話係$78有呢個餐，之後侍應就再上沙律、前菜及麵豉湯，最後埋單時單上有一項奇怪名稱，叫做「水吧什項」，出街食飯幾十年都未聽過呢個收費，再問之下，其中一侍應又話係散叫套餐要加$20，套餐又點會係散叫？真係莫名其妙，離開果刻有點兒像被騙了一樣，回家後仲肚痾了幾次呢！叫人如何回頭？難道是趕客？大家小心小心。

老公生日一家三口出街食飯，諗住試下新野，見呢間門面唔錯就入去試下啦⋯⋯第一下上沙律已經有想走既諗頭，巨量沙律醬，超級重口味，㗳真啲先知蟹柳同蟹子都係臭既😭三文魚刺身唔新鮮，冇魚味，可能連爭鮮都好過佢魚子壽司唔新鮮，只食到好大陣味淋味，燒茄子係起左皮上，口感好似蒸茄子淋汁上面，呢個另類食法係第一次見。燒牛舌好重味，連老公食開重口味都話好咸⋯好彩點餐時老公叫我唔好眼闊肚窄，唔夠再點⋯我地食完呢轉都未飽，但實在唔敢再試⋯最後急急腳走人去第二到再食過🌝🌝既😉唯一可取係服務員好細心，見我地同行有小朋友，比杯水佢⋯對啲食物真係大失所望，以後都唔會再試

抵食、性價比高 嘅日本料理！鋪頭有好多個位，就算多人等，都容易拎位！我星期日嘅中午去，全場吉位，之後就慢慢多人來食啦！大家星期日都係瞓晏d 😂哩個係三文魚腩飯，份量唔多，但好食，刺身都算新鮮，wasabi是磨出來的，好食好多！鰻魚鐵板飯，上枱仲係炸炸聲架！熱辣辣！饅魚都算大塊，但不夠厚肉，哩個價錢差唔多啦🤗👍🏻壽司都新鮮👍🏻係連鎖壽司店以外嘅屯門最好選擇😆Set lunch仲包前菜、沙律、麵豉湯，好抵食！

今日五大人四個小朋友滿心歡喜去食日本野，唸住就大家近近地所以揀呢間，朋友食過過魚生新鮮，但可惜首先朋友一個女人有著四個小朋友入去坐地先，其他人喺附近買少少野就到，時間唔超過10分鐘，一入去職員見到一拖四，竟然問你全部都係細佬，帶有歧視既目光😤隔咗唔夠5分鐘再問係咪仲有人未到，黎唔黎架，比返張檯出黎，之後又有另一職員問張檯究竟有冇人坐😤我明今日喺星期日，但係出面都未有人等位啫之後坐低叫完野食又唔比餐具，用手食咩，仲要分三次叫先攞齊九對筷子當時仲有一個未唸掂食咩，佢自己最後先叫，佢一個人叫咗一碟飯加兩客壽司，落完單個職員又話，下，你叫三樣野咋😤唔通一個人叫萬七樣咩坦白講食物質素真係唔太差，我地埋單食咗$900，唔知係咪嫌棄我地叫得太小食物啦，員工態度真係不能接受，唔係一個半個係全間店舖今餐嬲到我一樣食物都無影相，臨走記得影下佢個招牌比大家認清楚

🤘🏻食物平靚正好有驚喜食材又新鮮價錢仲要超親民學生午餐只係38$包蒸蛋，飲品，湯，沙律🤗😋😍晚市特價三文魚真係好平，生蠔同刺身好新鮮👅💕服務態度非常好一坐低就有茶水而且食物選擇有好多地方好乾淨仲有廁所👍🏻👍🏻👍🏻 左口魚同三文魚刺身，枝豆，串燒，牛肉鍋，天婦羅都推薦🤘🏻🤘🏻🤘🏻可惜佢冇酒牌

坐低無餐具，叫左三次先有。吹單吹三次都重要等，大蝦雜菜鍋物重要苦既。所以企場既真係得個企字做依份工真好做。我真係唔明佢有咩資格收人地加一，加水叫左重要等一陣加就加三分一。送菜可以互換曬我地叫既永遠係人地到，重要人地食完佢先問。攪到又要出過我地果份。真係人地食飽走左重要等…平都無用，食依餐真係曬時間

有朋友介紹呢間青木日本料理，今日終於有時間去試下，一入到去環境寬敞服務都算ok但客人比較多，食物要等耐少少，但都有驚喜款式都算多，新鮮好味下次會再去試其他，價錢合理抵食