影片
午饭时间带住细路, 要坐得好食得好, 仲要价钱平, 真系唔容易, 呢间日本餐厅坐落几舒服, 餐牌内的价钱几大众化, 午餐$44送蜂蜜绿茶, 著校服的仲可以减 $10, 难怪每次经过都被学生占据全店 ，今天星期六无学生终于可以试下， 点咗万里香鸡肉炒乌冬, 自家制猪软骨饭及烧猪颈肉饭, 个乌冬好味到亚仔食唔停口, 香草味及酱汁夹得好好, 食完仲想添食; 猪软骨够冧, 厚身有口感, 味浓浓配白饭刚刚好; 烧猪颈肉饭, 似系泰式, 原来餐牌写系泰日式制作, 香口大大碟, 唔理得佢泰式定日式, 总之好味就可以. 本来好地地享受紧, 亚仔无喇喇扭眼瞓, 坐唔定又唔肯走, 终于老板送来了闪光棒, 哈哈哈 ! 食午饭竟然有玩具送, 多谢老板的细心, 亚仔最终乖乖地坐定定, 比我哋可以好好咁食餐晏. 有人情味的小店真好. 下次必然再帮衬.
继续阅读
朋友介绍食火锅放题, 假日 $138 任饮任食, 仲有日式熟食任叫, 虽然在屯门区有点小远, 但咁平真系要试下, 还好附近的公众停车场都几大, 算系就脚, 店内都几寛敞, 枱与枱之间的空间好足够, 没有一般食店的挤迫.火锅系三式汤, 鸳鸯锅见得多, 三格锅都系头一次见几特别, 当中以猪骨汤最好味, 我无试过地狱汤, 但朋友说不太辣, 店内有辣椒供食客自行加辣的, 汤底不另收费的, 食物是大堆头式的送上, 递送速度几快, 不美观但尚算尚新鲜.店长推介水饺, 说是自家店出品, 水饺内的应该是韮菜猪肉及香草, 韮菜香味浓郁, 皮簿整体口感几好 ! 另外, 泡菜豚肉炒年糕及芝麻鸡翼也是必食的, 沾有泡菜肉汁的年糕原来可以咁好食, 芝麻鸡翼系炸香脆的, 一晚重覆 order 最多的应该系这款鸡翼, 所有熟食都是即叫即做, 上枱时都是热辣辣的. 整体感觉好食抵食, 可以再去.
继续阅读
以前食过质素普通，吾值咁高格，早排见佢出火锅走去试下，同以前好大分别啲汤有3种，辣味个人觉得普通，酱油同猪骨几好，食肉一定用猪骨汤，菜类吾算多，不过几新鲜，服务员几有人情味，个炒饭就真系不得了，好食到呢，食左4次，叫够4次，不过份量就多左啲，肉虽然吾系好顶𠮶啲，不过呢个价钱就差吾多啦啲炸物吾算等太耐，不过炸粉厚左啲，但串烧吾同，串烧类吾多，不过几好食，鸡肾就难咬左少少，但个鸡皮同鸡软骨就吾错，饮品吾算少，啲酱自己攞，有蛋黄酱都正常，但估吾到有埋芝麻酱炒饭同串烧真系每次去都必叫
继续阅读
难食到要开ac写食评叫左晚市寿司定食（$108，鱿鱼、三文鱼、北寄贝、熟虾、蟹柳小卷各两件），佢话包沙律、前菜、味噌汤、饮品，我第一次问话晚市唔包，然后补返个味噌汤，里面豆腐是冻的，沙律是西生菜（完。），佢话沙律同汤就系前菜，但佢分开写，可能我理解能力比较差。玉子烧（$20）冻嘅，面头烧左一下胡麻豆腐沙律（$48）西生菜、豆腐、蟹子，系咁多七味粉烧猪颈肉（$58）仲有：地下滑到hihi（利申：著紧水鞋）落单时得两台人，佢要我自写单（不过我ok的）柠水得一片柠檬两位侍应都系唔想做咁样同场前后五台人、只有一台冇投诉
继续阅读
于2018年6月25日拍摄(我上一个post张相消失左，重po)你会见到同我上一个post 既图1图2相差几远今次碗丼饭入面得三文鱼鱼粒，蛋粒，同油甘鱼鱼粒3粒，冇错系得三粒姐我拎到碗饭𠮶刻真系爆粗啲鱼生一啲都铺唔满，盖唔住成碗饭啲三文鱼子呢？呑拿鱼鱼粒呢？八爪鱼粒呢？全部去晒边？消失晒！唔好话碗饭成$48 , 根本$20都唔值B5 系叫杂锦碎鱼生饭，而唔系三文鱼碎鱼生饭， 你个杂锦去咗边？？而且我今次去食系冇前菜，餐牌上面系写到明包前菜而且餐牌杂锦碎鱼生饭张相，同我今日食到个饭𠮶张相， 相差几远。。。根本就违反商品说明条例
继续阅读