大班樓 (已搬遷) 新店位置

果日同事長毛請食飯，係open rice 見評價唔錯，所以就去一試。去到，裝修ok, 牆上掛了幾幅用牙籤整成的話，好特別。中午有set lunch 叫，較經濟，本來想食子薑皮蛋，但原來6月開始才有，所以無得叫。想試蟹，但因為個荷包，所以無叫...蝦油法國芥籽芥末伴鮮魷，放入口，食到好大陣芥末味，點知，一下子，陣味就消失左，令人好想食多一轉！酥炸金針菇，真係食唔出係金菇，但係好好味。^_^好啦，講番我地叫左d咩，有咸蛋黃干葱伴涼瓜，淡淡的甘味，令原本唔鍾意食苦瓜的梁同事，都食左幾舊。又講下個湯，足料，連d料都好味，我地連渣都食埋！仲叫左18味鼓油雞，其實牠不乾，有肉汁，但係，就唔好好食到雞以外的味。去到甜品，杏仁茶、桂花杞子雪糕。杏仁茶好滑。桂花杞子雪糕好特別。