炊豕店 (威靈頓街) (已結業)

中上環附近既野食普遍都好貴，難得比我喺威靈頓街搵到間抵食又高質既食店。朋友約左我去蘭桂坊既bar,去bar前就黎填飽個肚先呢度平時係要排隊既，不過我今日7點9先黎，就好彩唔使排隊。呢度既店面唔大，裝修既懷舊。客人都幾多。呢度最出名就係食豬排飯，不過我之前喺銅鑼灣店已經試過，所以我同朋友決定試下其他野食。我地分別叫左叉粒豆角蔥花炒滑蛋飯同埋梅菜扣肉飯，另加小食涼拌大豆芽。叉粒同豆角鋪滿成碗飯，味道超香，再加埋勁滑既滑蛋，每一啖都勁豐富，話咁快就清左成碗飯！梅菜扣肉飯亦都好唔錯，佢既肥豬肉好腍，入口即溶，配埋啲汁，好岩撈飯食，腩肉下低有好多梅菜！飯亦都幾多下，女仔食既話建議可以叫少飯，可以減一蚊！