喫茶ちょうぼ

营业中

休息中

日式紅酒燉牛肉蛋包飯，雞蛋用上日本廣島縣「新紀元卵」，店員詢問同埋幫手切個蛋，流心蛋內係有蔬菜既西炒飯，牛肉每舊都浸透紅酒醬，肉嫩香冧。月見雞皮餃子(2串）第一次食，用雞皮包住餡料，香脆又有煙靭感！兩串各有三隻餃子，點上生雞蛋再加醬油會冇咁油膩，調味帶點微辣，非常惹味。南蠻塔塔醬日式炸豬扒 (定食)豬扒炸得好脆同好均勻，南蠻塔塔醬係好開胃，加埋成個飯都好大份量下。極日式布甸船，原來係日式布甸加Lotus cheese cake!仲要有不同既水果配襯，成個甜品都色彩好治癒。布丁好滑好creamy有蛋香，3層lotus餅底再夾住香濃cream cheese，好好味!焙茶麻糬沙冰，焙茶香味超濃郁有點顆粒，麻糬軟糯草莓沙冰，係一款甜度好高既飲品，撈返D cream 反而冇咁甜整體環境打卡一流，仲可以望海。暫時覺得算係最有日式感餐廳既頭幾位。掛畫擺設等全都好有心思。