基地 (已結業)

黎到Happy Friday梗係約同事出黎飲杯野吹水啦，有個好同事建議黎基地，之前小弟路經過發覺店外裝飾夠晒特別，有人建議就梗係舉腳贊成和議黎得happy hour當然係叫野飲先，依杯係minty cloud，即係薄荷味朱古力奶，點會唔好飲，飲完再叫添啦黑松露薯條，正正常常，薯條夠大份，松露落得亦夠大方，雨露均沾底下差唔多條條薯條都有沾上松露明太子雞翼，明太子塞到隻雞翼脹卜卜，咸香嘅明太子為雞翼加上少許辣味，唔錯博大霧，睇中文名真心唔知佢講緊乜，睇返英文先知係咩黎，原來係油甘魚三文魚子配柚子汁，油甘魚嫰滑配上柚子汁嘅少少酸味好開胃，光速被大家殲滅基地雞槌，故名思義，炸雞槌是也，size唔大，普通貨色，相較其他野食係比較失色，不點也罷牛油果醬Nachos，兩樣都係我鍾意食嘅野，而且nachos真係好難唔好食，所以都冇咩爭議地被我食完又食Pizza餅底焗得夠香脆，芝士又落得足，加上salami，廢話唔好多講，趁熱食多2舊好過西班牙魷魚仔沙律，價錢唔太貴但係俾足晒料，鮑魚夠彈牙爽口，重點係陳醋質素高，夠濃夠香夠甜，油、醋、菜嘅比例非常好，每一啖都係平均地食到充足嘅油香滑，醋甜香法式焗田螺唔多