Wagyu Ya (已結業)

呢間嘢想食咗好耐㗎啦，之前喺出面行嗰陣時聞到陣陣好香嘅肉味咁呀。晏晝有啲set lunch好似都幾好食所以趁中午有時間就嚟食！入到嚟幾特別嘅就係佢個招牌Why Argue when you have wagyu， 自己都幾鍾意食和牛，所以都幾認同和牛嘅威力😎😎😎 今次黎就當然食下佢哋lunch嘅招牌菜“wagya ya don”入面有熊本和王和牛,鵝肝,海膽,三文魚子真係好正和牛好香好濃嘅肉味，鵝肝肥得嚟又唔油膩，仲要有兩件咁多再加埋吞拿魚蓉，海膽好新鮮，配埋三文魚子，成個組合真係好味到唔識形容。大推！本身想其實自己試下a4燒肉嘅，但係少少趕時間嘅關係🤦🏻‍♀️🤦🏻‍♀️🤦🏻‍♀️ ，費事自己慢慢燒。就叫咗個 “鵝肝和牛丼”， 鵝肝比頭先嗰個更大更厚、更juicy，食到舐舐脷牛都好香好有肉味，系有少少過熟 再生啲啲會更加正 😋😋而前菜沙律、燉蛋、同麵豉湯，全部都係水準以上，特別係個燉蛋真係滑一滑 👍🏻👍🏻最後都提一提啲職員啦，我見好細心咁樣清潔張枱同埋啲凳，喺而家呢個環境，梗係值得加分嘅！👍🏻👍🏻