琥酌 (已結業)

✨ 今日友人A又帶小妹去食好西啦，今次我地去咗食我地最中意食嘅和牛🤤🤤 係吉列和牛呀！ 我地今次食嘅餐廳係位於太子嘅琥酌，係較為中高價嘅餐廳。✨ 餐牌✨ 頂級安格斯御膳👧🏻 吉烈牛係呢間餐廳嘅主打，今次友人A就發板嗌咗安格斯黎試。牛肉唔洗講，脂肪分佈都比較平均，雖然未去到入口即溶嘅感覺，但食落口都無肥膩嘅感覺。最特別就係吉烈牛配上嘅野菜，除咗南瓜，仲有菜肉瓜等等俾小妹燒黎食。✨ 明太子手御燒✨ 和牛涮涮鍋👧🏻 最意想不到就係呢個涮涮鍋，上枱仲係滾住，仲要加咗一隻生雞蛋喺上面，超級有日本食開嘅風味，如果係冬天黎食，一定係暖胃佳品😚😚 小妹好少可食鍋上嘅和牛，但佢嘅牛香仍然無因為個湯底而搶走。飲落似麵鼓湯底，但亦唔會過鹹，飲飲下就會上癮。