拉麵Jo

营业中

休息中

是晚去大球場睇波， 入場前緊係係附近醫肚先。 馬路人山人海， 但係拉麵Jo 就唔算多人排隊。等咗10 分鐘就入得，第一次就試下蒜油拉麵， 蛋要加$15 , 試埋炸雞。水係要自助既。 枱上面有兩款泡菜配料任加，同豚王一樣。鋪仔細細， 張枱係會比較淺，如果有埋紙圍巾就好喇， 唔洗驚湯彈到件衫。從店員對話可以得知， 拉麵師父唔係日本人， 反而侍應哥哥係黎自日本既。 等咗幾分鐘，碗麵就上枱，湯底味道幾香，唔算十分濃，塊叉燒都幾肥美，入口可以話係即溶。 麵質都彈口， 整體碗野係香港算中上水準啦。炸雞係即炸既， 等多5 分鐘就上枱， 熱騰騰， 味道不過不失啦。Overall 黎講， 呢間算係香港比較好食既拉麵， 成舊水食碗麵，係要俺尖啲㗎喇。