蟹仙海鮮私房．蒸氣石碢 (環海大廈)

营业中

休息中

自己好中意食海鮮但覺得處理海鮮好麻煩，所以通常都會出街食，今日朋友帶我去食蒸氣海鮮餐。我地揀左尊貴海鮮套餐，食材都幾多。魚缸入面d海鮮隻隻都超級新鮮，好生猛，師傅即撈即處理。套餐入面有日本野生大赤蝦，台灣九孔鮑魚，日本大元貝，韓國珍珠蠔，大西洋野生青口，翡翠螺，澳洲青年龍蝦，綠膏蟹太平洋饅頭蟹，有機蔬菜籃。材料真係好新鮮，無腥味，每種都鮮甜味十足。澳洲青年龍蝦，肉質爽口彈牙。第一次食綠膏蟹，因為佢食藻類所以綠色嘅，肉質嫩滑鮮甜，都唔少肉。食完海鮮就食得粥底啦，啖啖精華，粥滾到十分綿密，超級甜。