金鳳茶餐廳

营业中

休息中

間野幾出名，人地話好多旅遊書都介紹呢間舖頭。平時好多人排隊，今日親星期六人少D來試下，結果好失望！ 入到去，座位好迫！坐得好辛苦。叫左個午餐，有餐肉公仔面，奄列，菠蘿油同埋凍奶茶。上菜速度快。至於食物質素呢個餐肉公仔面，得半塊餐肉，個公仔面好淡，其實係完全無味，個湯同白水無分別，差勁!!奄列唔錯，蛋滑，足料，有好多火腿。好啦，到佢最出名既菠蘿油同埋凍奶茶，個菠蘿油凍既，菠蘿包上面D蘇霖晒，超難食。使唔使排食啊？個奶茶同普通茶餐廳既根本無分別，只係無加冰。食食下有對台灣情侶入黎食，真係好想同佢地講，根本唔使山長水遠來到呢到食，想試菠蘿油同埋凍奶茶，求其係香港搵間茶餐廳都好過佢。