青越亭 (華欣樓)

营业中

休息中

早咗出柴灣，有排先夠鐘，又有d肚餓，就行下周圍有咩食。見到呢間嘢幾多位坐得舒服就入去啦。攞左menu 見到d茶餐幾多款式幾平，連豬仔骨都有得食。另外有甜品menu有d鬆餅雪糕之類既野食。我叫左個香茅炸髀+熱朱古力，加埋一都係$35, 平過我屋企鰂魚涌周圍d茶餐廳。叫左無耐就送左杯熱朱古力黎，未落糖已經好甜，應該有落奶，飲落okay。再等咗一段時間之後個炸髀同薯條就一齊到。新鮮炸起熱辣辣，d薯條係中等粗既薯條，食落小小脆，夠挺身唔會腍。 炸髀切開有肉汁，幾重香茅味。食完好飽，有機會經過會再試下其他野。d侍應阿姐好忙，不過都有交必應，係有時要等等佢做完野先，服務我覺得還可以。