青越亭 (華欣樓)

营业中

休息中

Visited this Vietnamese resto in Chai Wan with my dad and my sis for lunch. .I ordered the Thin Sliced Angus Beef Noodle in Soup. Although the beef came in a generous amount, it tasted slightly plain and seemed not to have absorb much of the soup. The soup was a bit greasy too. My dad ordered the Singaporean Fried Rice Noodles. The dish had an aromatic smell from the cury sauce and was served piping hot. It included quite a lot of ingredients, and the shrimps were plump. My sis ordered the Assor

青越亭雖然係一間主打食越南菜，但同一般港式菜餐廳一樣，提供多種菜式，港式、泰式都有。青越炸蝦餅&墨魚餅，炸得十分脆，入面既蝦肉/墨魚肉十分厚實。今次就同朋友試左青越手打雙丸河粉同埋泰妃雞河粉。個越南河粉個湯底睇落清澈但味道都濃郁，配上米河粉，入口鮮甜，加入些少青檸汁得肉味濃得黎帶點清新。河粉吸附湯汁，唔會太軟，剛剛好。泰妃雞份量十足，雞肉嫩滑可口，連帶湯底都帶點雞肉香味。有午市、下午茶套餐，套餐更加抵食。

第一次幫襯，亦會係最後一次。叫咗碗牛三寶河（牛丸、牛爽腩、牛柏葉）。先講河粉，不是Pho ，係中式麵檔的河粉質地。牛爽腩完全不合格，硬到不得了。牛栢葉好韌，得牛丸正常。下午茶仲要收加一服務費，埋單$60配杯熱飲。無乜人幫襯真係要反省下！

同朋友搵食撞入偏文青風餐廳，裝修走簡約路線，灰牆木枱加啲綠植擺設，打卡一流！  我叫咗 酸菜魚飯 魚片滑溜冇骨，酸菜夠哂開胃，最驚喜係同侍應講「多飯」，真係俾足半碗增量，抵讚！朋友嘅肉醬意粉拼雞髀，意粉掛汁夠濃郁，但雞髀就有啲失手，烤得偏乾身，咬落少咗肉汁嘅滿足感。  飲品反而有驚喜，凍檸茶茶底唔澀，凍齋啡香醇回甘，唔會酸澀，飲完成個人醒神晒～服務員態度友善，收碟加水好快手，加分！  環境同主食唔錯，但炸物要改進，會為咗杯咖啡同酸菜魚再訪！✨

我今午叫了一個下午茶餐「芝士蕃茄焗牛脷意粉」，牛脷只有五六「小粒」」，實在是「取巧」得極致。當時我沒有向侍應表達不滿，主要原因我知我會只來一次，以後不會再來。另外，這餐店仲收+1服務費，周圍食店已沒有這種政策。

今日突然好想食越南食物，就去青越食下午茶。假期餐廳好多人，等咗一陣先入到去。餐廳用QR code落單，方便快捷。我哋叫咗越式蕃茄牛腩湯河，湯底有鮮蕃茄，令湯底更濃蕃茄味，yummy😋牛腩都入味唔錯唔錯，會跟埋辣椒粒俾客人自己揀另外叫咗芝士肉醬雞蛋焗飯，芝士份量多，有拉絲效果，肉醬鹹味適中，仲有雞蛋炒飯底，所以都算用心製作👍🏻叫咗一杯凍檸茶同熱華田，凍飲加$3其實仲有好多其他越式泰式食物，下次再試🙂另外消費滿$100先可以用電子支付，如果想用卡就要留意。

柴灣依間粵式餐廳～外賣有中式兩餸飯～堂食有越式午餐～座位都坐得幾舒服～午市時間好多人～來來往往 越式特濃蕃茄牛腩金邊粉～湯底好濃肉味～牛腩牛筋炆得好淋容易咬～配香葉、蔥花粒～新鮮青檸、辣椒粒～青檸粒乾曬冇汁～辣椒粒都幾辣好惹味青越烤豬頸肉飯～照呢個價錢豬頸肉份量唔算多～不過好入味香口～配以酸甜醬好夾～黃薑飯份量比較多～不過餸同飯嘅比例唔太合理～配以酸蘿蔔絲好開胃跟餐熱飲揀咗熱奶茶幾香～咖啡都香唔會好苦澀另加一服務費

咖喱冇咖喱粉味，唔知廚房點煮，落到台都呆左，一粒牛筋一粒牛腩 ，廚房覺得冇問題，樓面覺得冇問題，咁客人梗係不能投訴啦，如果唔係樓面都話咗俾廚房聽點會咁少餸啊，上次食過茄汁焗飯，茄汁好似溝水一樣，所以下次都係食返pho 或者兩餸飯仲好食😂😂😂 我自己都接受唔到因為我做呢一行投訴你又唔好意思但個咖喱係自創？

下午茶時段 最正常既焗飯 佢地可以全部分開哂d味道勁難食既下午茶仲要收加一 好意思人生第一次食咁難食既餐廳比個裝修呃左入去如果管理層見到既 唔該你地自己檢討下下午茶收加一就預左服務好好

趕時間諗住入去食碗粉，冬蔭功湯檬完全無味，海鮮湯可以出現肉碎，疑似扎肉頭頭尾尾的剩餘物資。。。 無味，唯有加魚露提鮮加咸, 比平常的魚露淡一半有多。 加一服務費下，是自助qr code 點餐及自行去柜檯埋單，餐具亦是茶記格局，最大問題係無冷氣，連伙記都話好熱。 碗下有兩張餐紙巾，有兩點湯彈到的橙紅色湯漬。真心，唔想再去

從來唔寫食評，但呢間野真係離哂譜！全部貨不對辦，青咖哩雞俾白切雞加無咖哩味嘅青醬，肉碎蛋飯岀個芙蓉蛋飯黎。成間野無冷氣都算，仲要收加一。好心唔好係度扮泰國越南野，明明只係茶餐廳水平，真係不知所謂！

🥢大叻牛三寶湯檬 $65牛爽腩，有牛丸，牛栢葉，係清湯底，味道較清淡牛爽腩真係好爽，沒有渣👍🏻牛栢葉好爽，靭了一點，牛丸很彈牙，夠牛味👍🏻白蘿蔔不夠腍也煮得不夠入味。總括：料足，份量算大對得起這個價有加一🥢Dalat Beef Combo Noodle in Soup The ingredient includes Beef Brisket, Beef Tripe, Beef Ball:The base beef consommé is plain in flavour.The beef brisket is crispy with fine texture👍🏻The beef tripe is very crispy but a bit tough. The beef ball is so bouncy with enough flavour of beef.The texture of the turnip is not tender without plain flavour. In general, the portion is big with enough ingredie

早餐水準不平均1。他他魚柳早餐，沙律新鮮，魚柳人肉厚其他食物質素都好滿意，這個好評。2。麥片早餐，麥片是凍的，拉抵整體評價。3。咖啡不錯。4。可能顧住煮兩餸，食物等候時間比較耐。如果無叫麥片早餐，我比好評。而家比個中位數啦！

中午飯叫左個泰式無骨豬手飯，等咗好耐。平時人哋切完就會即刻上碟，通常都會好快甚至係第一個上碟。諗住即時整，可能仲好味啲呢繼續等。吹咗兩次先至到，差唔多15分鐘，嚟到嘅竟然係貌似黑椒豬手飯，連個泰式辣汁都冇比。都唔緊要趕時間嗱嗱臨食，隻豬手的肉質勁硬，好似微波爐返叮啲豬肉過哂時間咁樣咁硬，得嗰薄薄幾塊好似單餸飯咁。加埋一仲要收$70，完全唔值。唔會再幫襯而且黑名單。平時好少寫評語，亦未試過食到咁難食嘅食物，仲要收咁貴。要話俾親朋戚友知等唔好再有人中伏。

平時聽人講幾差幾差都半信半疑。我從來都唔會寫食評，今次差到唔寫唔得。今次叫個“白咖喱豬扒飯”，心目中既白咖喱豬扒飯應該都有幾分似“沙x王”掛.......一打開盒飯傳嚟一陣甜味，白咖喱汁點解會甜味？ 食一啖完全只係西餐麵粉白汁 + 辣椒醬，一點咖喱味都無😖 你話白汁加黃咖喱汁我都覺得餐廳有盡責任整個似樣既飯俾客人。呢個飯完全違反商品說明條例。呢間餐廳認真需要請過一班識煮食既廚師，收得咁貴，仲要煮啲咁既食物俾客人，真心差到離晒譜😡😡。