影片
更多
2020-11-11
1048 浏览
無意中search 到呢間野覺得d野食睇落幾fancy 好評又多，咁啱出到黎尖沙咀，就試吓咩料先。喺門口冇堆人企喺度好似喺度等緊，但入面有吉枱，但又見有兩個人走去搵個職員就有位，咁就2仔底死跟去問，就成功入到去坐lu慎防眼闊肚窄，兩個人食叫左香燒沖繩豬手加茶漬飯同日本鮮果開心米粉pancake to share. 講左佢上菜個次序先，因為真係好令人O咀。佢第一樣上嘅竟然淨係個茶漬飯，係咪要人食左個冇餸飯先？ok咁諗住等埋個豬手上一齊食啦，huh佢上左個pancake 先wor🙄 有咸有甜正路都會問吓一齊上定後上吖，完全冇囉。所以我都焗住食左個pancake先，到最後個豬手終於到喇。 講返味道，香燒沖繩豬手$128 得嗰五六粒，唔計舊骨仲細舊過平時食嗰d中式排骨。個汁咪類似糖醋汁，豬手夠淋同入味，皮有少少脆囉，不過不失啦。再加個茶漬飯$48個飯煮得ok唔會太濕太爛，茶漬味道ok，但等埋個豬手黎已經凍左，冇feel 咁樣加埋就$176, 仲要未計加一，超唔值！鮮果開心米粉pancake$148 個pancake 好香牛油味，pancake好鬆軟，個開心果醬夠濃又唔會太甜，提子都好味，但同開
喺門口冇堆人企喺度好似喺度等緊，但入面有吉枱，但又見有兩個人走去搵個職員就有位，咁就2仔底死跟去問，就成功入到去坐lu
慎防眼闊肚窄，兩個人食叫左香燒沖繩豬手加茶漬飯同日本鮮果開心米粉pancake to share. 講左佢上菜個次序先，因為真係好令人O咀。佢第一樣上嘅竟然淨係個茶漬飯，係咪要人食左個冇餸飯先？ok咁諗住等埋個豬手上一齊食啦，huh佢上左個pancake 先wor🙄 有咸有甜正路都會問吓一齊上定後上吖，完全冇囉。所以我都焗住食左個pancake先，到最後個豬手終於到喇。
講返味道，香燒沖繩豬手$128
得嗰五六粒，唔計舊骨仲細舊過平時食嗰d中式排骨。個汁咪類似糖醋汁，豬手夠淋同入味，皮有少少脆囉，不過不失啦。
再加個茶漬飯$48
個飯煮得ok唔會太濕太爛，茶漬味道ok，但等埋個豬手黎已經凍左，冇feel
咁樣加埋就$176, 仲要未計加一，超唔值！
鮮果開心米粉pancake$148
個pancake 好香牛油味，pancake好鬆軟，個開心果醬夠濃又唔會太甜，提子都好味，但同開心果唔太夾，所以要分開食。唔好睇佢好多塊以為會好飽，其實佢地好細塊，同埋冇normal pancake 咁飽肚。但 點好食都好，咁細份收呢個價真係太貴喇。
野飲叫左西柚高球同檸檬鹽高球 ，抽檸檬咁豎起法幾過癮。飲落都係一般有果味嘅highball, 果味都夠嘅，但檸檬鹽嗰杯咸左少少囉。
pancake 係好食嘅，主食味道都唔差，但上菜次序錯晒，又貴又細份，令人食完心情差到就算唔夠飽都冇心機再搵其他野食🤬唔推薦。
张贴
