La Casa Burger & Pasta (文咸東街) (已結業)

約左朋友嚟上環食burger，餐廳都算幾易搵，離遠見到有個黃色既霓虹招牌就係。入到嚟同樣見到好大個霓虹燈burger，打卡一流。西冷黑松露水牛芝士漢堡麵包幾香幾鬆軟，薄切既西冷肉質同味道都唔錯，配埋黑松露醬就更加香，仲有洋蔥、青瓜同生菜等配料。香蒜橄欖油意粉帶點微辣既意粉，蒜香味相當突出，食落油而不膩。小食拼盤分別有薯角、雞翼、魚柳同埋日式炸雞。同朋友share食就啱哂，薯角份量幾多，而且幾鐘意每件都細細舊，可以慢慢食。炸雞外層酥脆，入面鎖住少少油脂，肉質幾滑。飲品除左汽水之外，亦有唔少罐裝飲品，例如西柚梳打、薑味汽水等，仲可以叫即沖咖啡、梳打水、樽裝水，選擇都相當豐富。