鋿晶館

营业中

休息中

之前食開荃灣點心，都係食鋿晶館，今次來到上環，發現鋿晶館原來有茶樓，仲有得飲茶，二話不說就約朋友飲個茶，食個包。位於上環德輔導中樓上茶樓，位置不難找。二樓為飲茶專區，上到去帶位好快招呼我們入座。拿拿臨點返D美食，所有酒樓點心都想試，我們點了好幾款出名的，有生煎蘿蔔糕，蜜汁叉燒包，鮮竹牛肉球，香茜牛肉腸，草花湯鮮竹卷等等。呢個醒晨推薦果真抵食，價錢都係$14-$17一份到，味道相當吾錯，首先當然講下生煎蘿蔔糕，煎得香脆又有蘿蔔味，而且口感夠滑，蜜汁叉燒包就外皮軟熟，餡夠香又夠豐富。而我就特別鐘意呢度既鮮竹牛肉球同牛肉腸，做得十分爽口彈牙，腸粉都係，而草花湯鮮竹卷也是好好吃，連湯都飲埋。下次想飲茶的話，就知道上環有間鋿晶館啦。