上海婆婆 (已結業)

當晚係平日同友人去左上海婆婆食飯，星期六、日都會見到大排長龍，所以當晚見到唔洗等位就即刻衝入去。入到去叫左個黃金炒飯、小籠包同賽螃蟹。先講黃金炒飯，每粒飯都十分有「趙」口，而且食落口會伴住一D咸蛋黃GE味道，炒得亦好夠鍋氣，味道相當唔錯。輪到小籠包，皮夠薄，一咬落去熱度剛好，唔會燙口，肉汁濃厚，每人兩粒剛剛夠喉。最後到賽螃蟹，呢味餸就冇乜特別驚喜，蛋白煮得算嫩滑，但味道平平，用黎送飯係一個唔錯GE選擇。MENU中仲有好多唔同GE菜色，有機會會再去嘗試！