上海婆婆 (已結業)

同屋企人去左上海婆婆食飯, 等位等左10分鐘左右.叫左2個餸，奶油津白和蔥爆羊肉，奶油津白味道好濃但汁太多，食兩三條菜已經有滯既感覺，不過津白幾新鮮，而且份量都大份既。另外蔥爆羊肉炒得太老，有d韌，不過醬汁唔錯，唔太咸幾惹味，用黎送飯岩岩好。

無一樣係正常 彐菜炒年糕，一的味都沒,似就咁撈落去,失敗!黑醋排骨，汁多! 酸到接受唔到 失敗!紅燒肉，可以硬過石頭,味道入唔到去 失敗!條糖醋魚，真係多舊魚！用雜果罐頭去煮 失敗中既失敗!個嫩雞麵，有臭雞味,食到想嘔 奉上唔想既相俾大家睇................

已經唔記得第幾次去上海婆婆, 每次都唔會失望. 今次2人行點咗2個主食, 黃金炒飯同紅燒牛肉麵. 飯炒得夠乾身, 粒粒金黄色, 味道啱啱好, 完全唔會覺得太重味精太油, 好味好味.牛展入口即溶, 麵條煮得剛好, 爽口彈牙, 如果可以再辣啲就更正.下次可以試下小食同甜品.

係葵芳做完野 就約媽媽係附近食野 見到有上海婆婆喎 唔洗諗啦 gogogo小籠包保持一向水平 皮薄之餘重有好多濃湯😋輕輕夾起 喝一口熱辣辣嘅湯 再咬一啖中間嘅豬肉調味均勻 口感鬆軟👍🏼 擔擔麵夠晒爽滑 煙靱度適中 中間夾雜肉碎配埋辣辣嘅湯底 十分惹味👍🏼👍🏼 重貪心地叫左個糖醋魚 酸酸甜甜的 十分醒胃可惜魚塊咬落有少少硬 應該係炸得太多有少許失色⋯

懷念上海嘅味道 只好去上海婆婆頂頂癮上海小籠包 薄薄嘅外皮 包住濃湯同豬肉餡料一咬開 熱辣辣嘅濃湯立即係口內爆發濃湯滲透入有嚼頭豬肉餡料當中 口感一流👍🏼 豬扒拉麵 豬扒同拉麵分開上豬扒炸得金黃香脆 薄薄的 咬落肉質鮮味拉麵湯底有肉碎同香蔥作配料 有濃濃麻醬味道 微辣 拉麵煮得條條分明 爽口彈牙 將豬扒放入湯中令其吸收湯嘅味道再進食 豬扒味道更香濃上海炒年糕 有椰菜 肉絲 香菇絲同年糕椰菜煮得非常爽甜 配上肉絲同香菇絲 增加口感年糕唔會過硬 非常有嚼頭 不過好易飽肚 😅

 葵芳睇完戲, 同朋友經過決定吃上海婆婆,今次係我第一次吃上海婆婆,8:00左右入座, 唔洗排隊就可以入,環境服務都唔錯, 而且仲有個開放廚房比人睇住整小籠包,冷菜:花雕醉雞雞肉白又滑又嫩, 無血又少骨,花雕酒份量又夠多,!主菜:婆婆粗炒粗炒份量多, 而且炒得好入味,配菜又多,抵食!上海炒年糕上海菜必點炒年糕,同婆婆粗炒一樣,炒得好入味,又多年糕,好好味!油豆腐粉絲湯油豆腐=豆卜, 感覺似素菜碗仔翅既味道,一大碗,幾個朋友吃就最啱！特別推介小籠包一定要叫小籠包,因為真係勁好味、勁好味、勁好味!!!!$36有4隻, 隻隻都皮薄餡靚,皮入面仲有湯,吃既時候要小心,唔好燙親咀...甜品豆沙窩餅本身我就唔太鐘意吃紅豆,不過呢個豆沙窩餅令我對紅豆改觀,紅豆蓉唔甜,吃2件都唔覺屚^^

大年初四每個人都必然是年初四那個模樣，office份外寧靜，一半人也請了假，我的團隊只剩下八人一起吃午飯。今日去了葵芳新都會那邊，想不到年初四的午餐時段仍然是人頭湧湧，唯有每間餐廳也等位吧。來到上海婆婆不是我們選的，而是不用等那麼耐而已。六人座位卻坐了八人，非常非常擠擁，差點要前後前後般坐在卡座。午餐時段沒服務是必然的，想不到連食物也不太好，八人卻吃了$900元。酸辣湯偏辣而不酸，味道有欠層次，亦不足料；鍋貼不熱，沒有肉汁，雖餡料不錯，但整體十分普通；上海粗炒略微淡口，上海粗炒本來已經沒有肉，這醬料味道亦不足，確實清淡得很；上海年糕更是淡中之淡，沒什麼味道，像吃原味韓式年糕一樣；其他我不一一細說了，簡單來說，便是「差」，完!

評語：用餐限時1.5小時，無諗過食上海菜都要限時間葵芳新都會廣場的食肆越來越多，到了午飯時間，廣場的食肆總是人頭湧湧，在這裡用膳實在艱難又迫，幸好今天到「上海婆婆」時間尚早，不需要等位便可由服務員直接帶領入座。位於新都會廣場的「上海婆婆」是間上海菜館連鎖集團，旗下現有8間分店遍佈港九，而另家名稱相近的上海婆婆336」實為「上海婆婆」的副線，後者無論裝修以及食物，均針對年輕人，在傳統上海菜基礎及味道上略作調校，比起傳統湯滷醇厚、濃油赤醬的上海菜形象，變得健康一點。新都會廣場的「上海婆婆」雖然主供傳統上海菜，但環境又唔會太「老餅」，完全沒有老派上海菜館的影子，裝修仍然有中國風味，而最為突出的標記是一幅又一幅的中國大頭娃娃油畫，表情各異，扮得古靈精怪。這分店鋪位好大好闊好深，地方也清淨，不過已變成大飯堂一樣，一半是卡座，另外是可以隨意組合的二人枱，但2人枱擺得勁密，枱同枱之間唔超過五厘米，完全沒有私人空間可言。鎮江肴肉HK$70~ 瘦肉香酥，肥肉香而不膩，點一點醋，更能把肴肉的香味帶出 油炆筍HK$43~ 冰冰涼涼，入口爽脆得有咬口，條條掛滿醬油，但香料味道過重  雞絲水晶粉皮HK$62~

多年前我全家都係上海婆婆fans，不過因為用料開始差左就好小去食啦，今日同朋友去試下，味道其實仲keep到水準，可惜用雪藏肉令到效果失惜左，師傅包點麵食技術好好希望不要只顧發展

食左咁多間上海野,呢間都算唔........得,一入到去環境尚可以,坐低服務還ok,但係食物比想像中差。個酸辣湯一味得個辣字,一D酸都食唔到,個上海粗炒凍冰冰,好似一早炒定咁,總結黎講兩味經常係上海野中食到嘅美食,居然做到低下水準,實在可惜

今天下班突然想吃芋頭,就不經不覺走去了上海婆婆……誰知道去到沒有我愛的艼頭捲，沒辦法只好叫別的東西吃，因為我很久沒去過了，有很多新的東西吃，叫了青花椒小雲登，這個強烈推薦大家試一試，很特別的湯，感覺很新穎，還叫了雞絲粉皮和排骨擔擔面，粉皮很香很有雞味，擔擔面配排骨吃也不錯，價錢雖然很貴，但間唔中吃一次是值得的。

葵芳新都會的食肆越來越多，作為無飯家庭的我真是大喜。星期五不到七點半，各餐廳的門口就會出現長龍等位吃飯。幸好兩個人，很快就被安排入座。鎮江肴肉瘦肉香酥，肥肉香而不膩，點一點醋，更能把肴肉的香味帶出。上海小籠包每次到上海婆婆必點的點心，皮薄餡靚，裝滿鮮肉的湯汁，一絕！上海炒年糕這是上海人過年一定要吃的食物之一，吃上海菜不可不試。切片的年糕糯而不膩，入口有嚼勁，一點也不黏牙。環境和食物質素不差，可惜服務欠奉，期待加強...

難得放假。同屋企人出去食晚飯,屋企人都比較鐘意上海菜 所以簡左依間。好啦。入去 諗好咪舉手點餐 其實我眼見到唔係好爆場啫 舉左幾次手 我唔知係真係見我唔到吖 定係扮見唔到。第三次 有人理 不過呢 個侍應塊面就黑到包公咁 好似我欠左佢錢咁。叫左小龍包 酸辣湯 獅子頭 上海粗炒。個包塊皮厚到呢。。。酸辣湯。。係酸 不過真係得個酸。。。個獅子頭就更加唔洗講啦。。兩舊肉洗唔洗咁硬。係得個粗炒叫正常d 不過如果連粗炒都炒唔掂我諗真係唔洗做生意架啦。第一次黎食已經咁 仲點黎第二次?

酸辣湯麵，湯只有辣味，沒有酸味，麵又粗又幼，粗的硬到像未煮熟，幼的又太糊了，小籠包，全沒湯汁，只吃一個豬肉，粗炒面淡到.....而且還要限時個半小時(不是自助餐，也要限時)下次不會再去，俾錢吃垃圾

下午用餐，叫左以下食物，整體可以，有茶水，套餐送一杯豆漿酸辣湯拉麵：唔錯，夠辣夠酸，拉麵唔淋芝麻餅：油炸，裡面有類似雪菜嘅野，無肉，好油，麻麻地啦筍：唔錯，唔係非常濃味皮蛋豆腐：唔錯，豆腐係凍食，皮蛋都無話有怪味