更多
2019-12-20
3802 浏览
依家同人讲去啲厂厦食私房菜，已经唔喺咩新鲜事，但记得8、9前，由于工厂区嘅厂厦慢慢变得十室九空，而地铺租金拾级而上，开始有唔少食肆进驻厂厦，与此同时，私房菜嘅概念亦开始普及咗好多，无十年、八年前咁神秘感。事隔4年多，再访「御膳」，见仍然有咁多客人支持，就知有一定嘅实力啦。厂厦揾食就最有一种私窦感，门面明明喺工厂格，入到里面就别有洞天。事隔咁多年，环境格局依旧，但仍保持光猛企理。除咗散点，仲有好多款套餐，2-9人餐都有，如果懒谂，就索性俾个「笔直」店家等佢帮你度。香芒沙律大虾球先嚟一道中西合壁嘅大虾球沙律，点解话中西合璧？因为以芒果及多款生果做成清爽沙律底，并以大大片沙律菜垫起，而大虾球就以中式嘅油泡去处理，再推点咸蛋黄，最后淋上自家调嘅香芒酱。所以，整体味道好丰富，又好有层次，大虾爽弹到不得了。潮州卤水鹅依一碟喺例牌份量，下面无垫豆腐之类，份量足，足够3、4人食。啖啖鹅肉，无骨无成，肉质细腻软腍，而且，卤得非常入味，个卤汁深沉醇厚。金汤海皇翅因为小弟唔食翅，所以，个海皇翅就由亲友品评。佢话个金汤推得好香浓，而内里混入唔少海鲜料，货真价实，仲有稀杰度啱啱好。鲍汁扒花胶件花胶虽然唔算厚身，
厂厦揾食就最有一种私窦感，门面明明喺工厂格，入到里面就别有洞天。事隔咁多年，环境格局依旧，但仍保持光猛企理。
除咗散点，仲有好多款套餐，2-9人餐都有，如果懒谂，就索性俾个「笔直」店家等佢帮你度。
香芒沙律大虾球先嚟一道中西合壁嘅大虾球沙律，点解话中西合璧？因为以芒果及多款生果做成清爽沙律底，并以大大片沙律菜垫起，而大虾球就以中式嘅油泡去处理，再推点咸蛋黄，最后淋上自家调嘅香芒酱。所以，整体味道好丰富，又好有层次，大虾爽弹到不得了。
香芒沙律大虾球
96 浏览
0 赞好
0 留言
依一碟喺例牌份量，下面无垫豆腐之类，份量足，足够3、4人食。啖啖鹅肉，无骨无成，肉质细腻软腍，而且，卤得非常入味，个卤汁深沉醇厚。
潮州卤水鹅
57 浏览
0 赞好
0 留言
金汤海皇翅因为小弟唔食翅，所以，个海皇翅就由亲友品评。佢话个金汤推得好香浓，而内里混入唔少海鲜料，货真价实，仲有稀杰度啱啱好。
鲍汁扒花胶件花胶虽然唔算厚身，但极之大块，最重要喺炆得够晒腍，切起嚟黏而有韧劲，入口口感软滑，感觉喺胶质丰厚，而且，个鲍汁甚为香浓惹味。
讲到整大肉蟹，喺呢度嘅主打菜式之一，除咗新鲜拣手大大只靓蟹之外，整法非常多，有最人气嘅避风塘炒、需预定嘅豆豉凉瓜焗、惹味刺激嘅胡椒炒、古法蒜子炒、醒胃嘅梅子果皮蒸、姜葱上汤炒、估佢唔到嘅姜葱腐乳炒、最食出蟹鲜味嘅花雕蛋白鸡油蒸，以及辣粉之选嘅麻辣水煮，真喺花多眼乱。
花雕蛋白鸡油蒸大肉蟹只蟹大得好有睇头，睇对钳就好有肉地。唔使太担心有好重酒味，入口花雕味唔会太重，只喺隐若有微微酒香，而蟹肉嘅鲜味实在喺度菜嘅亮点，蛋白亦十分滑溜。
花雕蛋白鸡油蒸大肉蟹
24 浏览
0 赞好
0 留言
蒜蓉粉丝蒸蛏子皇食完个蟹，再嚟另一招牌海鲜菜式：蛏子皇，叫得蛏子皇，坚喺大只啦，斤两十足， 蛏子既弹牙，又鲜甜，面头蒜蓉铺得满满，唔香至奇怪，但蛏子嘅鲜味绝无冚晒。
蒜蓉粉丝蒸蛏子皇
18 浏览
0 赞好
0 留言
姜葱炆龙趸腩连续多道海鲜菜式，都喺水准之作，估唔到，依一道炆龙趸腩，唔止卖相精致，味道意外嘅好，亲友仲大赞好食。平常晌啲中菜馆食，都喺砂锅上，出嚟嘅效果比较油，但今次就无咁嘅弊病，鱼腩肥美不腻，口感嫩滑，外层更有种焦脆感，而姜葱嘅香味完全融入鱼肉中，烹煮嘅功夫出色。
姜葱炆龙趸腩
20 浏览
0 赞好
0 留言
士多啤梨骨其实，食到呢度都已经好饱吓，但呢一道招牌「士多啤梨骨」，又点可以错过吖。以肋排入馔，先炸过，所以一咬会阵阵脆香，肉质却十分软腍，而个士多啤梨汁推得甜而不腻，淡淡甜味，又有少少酸香，不负招牌之名。
士多啤梨骨
15 浏览
0 赞好
0 留言
蟹油银芽炒面单尾虽然只喺炒面，但用咗蟹油嚟炒，立时感觉唔同晒啦。炒面看似简单，但炒得爽身，唔油腻，色泽均匀，却喺要啲功架。整体炒得干身，食完唔会碟底泛油，味道芳香。
芒果布丁最后就喺甜品作结，但别太多期望，只喺芒果布丁而已，但放晌小樽里，都叫得别致啦，味道亦都唔错，口感软滑，最好喺俾咗好多花奶得任添吖嘛！
综观成餐饭，食材新鲜，厨艺扎实，招呼细心，年轻嘅侍应不时帮忙换碟，清理枱面，亦都好有礼。顺带一提，佢哋无开饼费，无切饼费，更喺无加一添，唔怪之得见咁多客人带埋红酒嚟畅饮，带埋蛋糕嚟庆生啦，所以，「御膳」值得一遇再遇。
张贴
