影片
更多
2014-01-20
3026 浏览
蘿拔仔的工作性質成日都要出trip, 趁出trip之前點都要食番餐好既先啦(怕出trip 其間無啖好食orz...) 上次食完小澤之後一直念念不忘， 於是又同埋蘿拔妹黎食多次喇！有上次既經驗一下就搵到間鋪，黎到既時候十二點正未算多人，唔洗等位就可以入座：)今次lunch試左啲唔同既野，不過依舊叫左好好味既角切魚生飯同埋半燒三文魚XD 因為實在太好味喇，豐富既刺身材料同埋魚脂既醇香絕對係令我地短時間內再光顧既原因！我地總共叫左：半燒三文魚，半燒帆立貝，雜錦角切魚生飯，豬肉生薑燒，炸蝦卷， 京蔥三文魚飯，附送既雪糕依舊係蕃薯同綠茶口味首先上枱既係京蔥三文魚飯同角切魚生飯。一般唔係面鼓湯上先的嗎？ 蘿拔妹覺得奇怪，蘿拔仔雖然都覺得怪怪地不過就無乜所謂一心諗住食好野only xd 片刻過後面鼓湯都到埋就開餐喇！面鼓湯同上次一樣滾燙，入口適中，啱啱係街凍完飲落好真係好舒服，湯都叫足料，豆腐嫩滑，湯亦無好水既感覺，整體ok la!帆立貝亦係差唔多時候到左，微微燒過既帆立貝散發出同燒帆立貝零食差唔多既香氣，咬落去柔軟，小小咸，慢慢個口就充滿住帆立貝既鮮甜，只可惜得2件唔太夠喉跟住就食京蔥三文魚飯喇，
今次lunch試左啲唔同既野，不過依舊叫左好好味既角切魚生飯同埋半燒三文魚XD 因為實在太好味喇，豐富既刺身材料同埋魚脂既醇香絕對係令我地短時間內再光顧既原因！
我地總共叫左：半燒三文魚，半燒帆立貝，雜錦角切魚生飯，豬肉生薑燒，炸蝦卷， 京蔥三文魚飯，附送既雪糕依舊係蕃薯同綠茶口味
首先上枱既係京蔥三文魚飯同角切魚生飯。一般唔係面鼓湯上先的嗎？ 蘿拔妹覺得奇怪，蘿拔仔雖然都覺得怪怪地不過就無乜所謂一心諗住食好野only xd 片刻過後面鼓湯都到埋就開餐喇！
面鼓湯同上次一樣滾燙，入口適中，啱啱係街凍完飲落好真係好舒服，湯都叫足料，豆腐嫩滑，湯亦無好水既感覺，整體ok la!
帆立貝亦係差唔多時候到左，微微燒過既帆立貝散發出同燒帆立貝零食差唔多既香氣，咬落去柔軟，小小咸，慢慢個口就充滿住帆立貝既鮮甜，只可惜得2件唔太夠喉
跟住就食京蔥三文魚飯喇，蘿拔仔同蘿拔妹都覺得唔知點解魚生磨茸係好食d既， 反正呢個無令我地失望，一樣高水準！ 魚茸澆上壽司油同埋芝麻配搭京蔥相當穩陣！入口即溶！
魚生飯依然多料，細細既碗比魚生搭高左一半，新鮮材料仍然好味抵食，不過今次少左d甜蛋，蘿拔仔有少少失望。但雜錦就係咁，永遠唔知邊樣多，唯有希望下次多d啦！
炸蝦卷用上天婦羅炸法再做反卷，上次提過佢既天婦羅麻麻，但今次做成反卷就好好味喇，可能係切成一件件包，隻蝦今次無咁多粉，而飯同紫菜相當吊味，令口感更加豐富，而且即使隻蝦冧左都無問題，比起天婦羅我地更加推薦呢個：)
一碟五件厚切既半燒三文魚，油香四溢，微燒既表面同滑嫩嫩既內在形成強烈對比，不得不提既係記得要撈埋個飯，靠著三文魚漏落去少少既魚油令到佢毫不普通，少少少既魚腥味絕對令你想再添一碗：p
豬肉生薑燒係一個意想不到既驚喜，蘿拔仔都係見隔離枱有叫諗住試下。須知蘿拔仔對薑都係比較抗拒的，咁叫實在係冒緊險。估唔到一黎到聞到薑個陣香味不單無抗拒仲食指大動。淡淡既薑味同豬肉燒汁好夾，無喧賓奪主,而豬肉肥瘦適中亦都好冧好好味。
甜品方面今次都係兩色雪糕(可選綠茶及蕃薯口味). 蘿拔妹提議試多次蕃薯味，於是都叫左一個綠茶一個蕃薯，蕃薯味仍然食唔出味，綠茶個味就夠晒濃喇，啱晒最愛綠茶既蘿拔妹！
张贴
