米走雞Live

营业中

休息中

舊用事生日，我相約她去觀塘米走雞食火鍋，因為同事好喜歡食芝士雞煲，米走雞的雞煲一定滿足到她。混醬整齊又乾淨黃金芝士雞煲，芝士可以選擇多或少，我哋選咗激量，上枱時雞煲上已經放咗好多芝士，雞已經預先炆好，待芝士煮溶滾返就得得。雞肉鮮嫩入味！芝士又香又惹味！食完就加湯食火鍋。手打鮮蝦丸：啖啖都係蝦，蝦膠加蝦肉都係用新鮮蝦做，爽口又鮮味！哈哈蝦中寶：火鍋配料有些可以半份叫，人少可以叫多幾樣食，蝦中寶比蝦丸大好多，內有很多原隻蝦，彈牙爽口，加咗蟹籽、芹菜粒更添口感！白鱔片：超爽口，食得出係用新鮮鱔起肉，不是雪藏的！美國桶蠔：好大隻夠肥美，脹卜卜的蠔身帶爽，有鮮蠔味道。午餐肉都係用高質的火腿午餐肉。