台北巷弄 (已結業)

台式排骨便當排骨煎完都仲保持到肉汁，調味適中再加上滷肉飯一齊食好夾，而且份量亦都唔少，正常男仔食完都已經夠飽!蝦餅拼甜不辣蝦餅好彈牙而且蝦味濃郁，再加上味道亦都岩岩好，新鮮好食!另外甜不辣都好有驚喜，少少咸岩哂送飯! 滷肉亦都好入味同埋做到入口即溶既口感。鹽酥雞份量真係好多，基本上由頭食到尾都未食哂，炸既時間好適中而且juicy唔會乾爭爭，送酒食一流!冬瓜檸檬 & 珍珠奶茶兩杯飲品都好清新同埋唔太甜，可以解渴而且珍珠奶茶有好香既茶味加上奶味濃，比想像中更好飲!