Wagyu Ya (已結業)

到呢個季節真係特別掛住日本，今日又思鄉病發作，好想食和牛，同朋友去返呢間食過質素有保證嘅餐廳醫一醫心病。呢度有吧枱可以睇著師傅準備食物，亦有舒適嘅卡位可以選擇。食和牛通常油份比較重，所以想清清地食個沙律先，健康又勁有營養嘅牛油果沙律就啱晒，擺碟好靚，沙律菜極新鮮，店家嘅黑松露醬，聞落同食落嘅味道都非常突出，絕對唔係普通貨色，牛油果入口輕壓即溶！海膽和牛紫菜TACO似乎係新菜式，底層係紫菜天婦羅，上面一片香葉，仲有和牛肉，面頭有新鮮海膽加上頂部晶瑩剔透嘅魚子做點綴，賣相晒精緻，係一款講究賣相又注重味道同食材配搭嘅開胃菜。重點菜式亦係今次黎嘅目的-A5和王和牛薄燒！見到和牛肉片嘅雪花已經流晒口水！和牛嘅油脂真係非常邪惡，燒起上嚟更特別惹火，油脂不斷溶化，香味不斷滲出！伴有生雞蛋、蔥花、同炸蒜片。先試和牛本身嘅味道，多餘嘅油脂已經溶化及滲透肉片入邊，半溶嘅感覺，油香加上肉香，無得彈！再試將和牛肉片沾上蛋汁及蔥花，加上炸蒜片，又係另一種感覺，個人好鍾意加上炸蒜片，帶出黎號味道更加香濃！仲有份盛意拳拳和牛丼，好有趣嘅名字，有外邊香脆，內裏creamy嘅鵝肝，色澤鮮明又綿滑嘅海膽，香濃嘅和牛，仲有