希戈餐廳

营业中

休息中

Hugo’s 係香港首屈一指嘅西餐廳，坐落於尖沙咀凱悅酒店。一入到去已經俾佢嘅裝修吸引咗，裝修得好有氣派，亦都好有佢自己嘅特色。Set lunch嘅前菜同甜品都係任食，佢前菜有好豐富嘅選擇，只要你食得落，你可以每一樣嘢都試吓，只可惜我胃納有限，只係揀咗其中幾樣望落去最吸引，同埋我最鍾意食嘅嘢，都冇令我失望。主菜我叫咗我最鍾意食嘅牛，肉質同肉質都好都無話可說，最令我驚喜嘅就係配上傳統嘅Yorkshire Pudding，孤陋寡聞嘅我從來未食過，覺得好味又特別。女人係有甜品胃㗎，雖然已經好飽，但係見到甜點餐車，我都忍唔住將我想食嘅嘢都叫咗落嚟，甜品造型漂亮，味道亦都不甜不膩，食多幾款都唔會話好滯。總括而言，呢個午餐我非常滿意，不過唔可以成日咁樣食法，如果唔係做幾多運動都keep唔到。