影片
更多
2021-03-09
571 浏览
呢間既吉列牛我bookmark左好耐la，成日都見到人去食，望落好好食。今次終於去試下🤤排隊排左10幾分鐘左右，比我想像中快。因為其實佢menu都係得幾款嘢食揀，所以我地都好快揀好食咩。1⃣️秘燒黑松露吉列牛（$148）（+$20午市定食）吉列牛我食過，但係黑松露吉列牛我就真係未食過，雖然佢係貴左啲，但係我都照嗌左呢個試。佢係用新鮮黑松露加麵包糠做成炸漿，包住中間既牛肉，食落有好香既黑松露香味😋將吉列牛放係塊熱石板上面罄10幾秒，見到佢變左色，就食得。食落外面酥脆帶松露香，入面牛肉香得黎仲保留到肉汁，正！另外佢呢度既熱石板送黎既時候上面會有一細舊牛既肥膏，可以逼啲牛油出黎，燒吉列牛既時候就唔驚癡底，牛既香味亦都會更加出☺️ 加20蚊可以升級做午市定食，包埋楓糖溏心蛋同埋秘之飯素。個飯好好味🍚面頭鋪滿曬飯素，同埋有啲甜甜地既醬油，齋食個飯都已經好正😚溏心蛋係我鍾意既流心程度。另外佢仲有送一罐汽水，成個set食落好滿意🥰 2⃣️芝士吉列豚肉（$78）（+$20午市定食）芝士汁同吉列豚肉係分開上既，芝士汁比左好大一兜😍芝士控大滿足。 芝士汁好香濃🧀同埋因為佢係分開上既，所以唔洗驚啲芝士汁會浸淋塊
1⃣️秘燒黑松露吉列牛（$148）（+$20午市定食）
吉列牛我食過，但係黑松露吉列牛我就真係未食過，雖然佢係貴左啲，但係我都照嗌左呢個試。佢係用新鮮黑松露加麵包糠做成炸漿，包住中間既牛肉，食落有好香既黑松露香味😋將吉列牛放係塊熱石板上面罄10幾秒，見到佢變左色，就食得。食落外面酥脆帶松露香，入面牛肉香得黎仲保留到肉汁，正！另外佢呢度既熱石板送黎既時候上面會有一細舊牛既肥膏，可以逼啲牛油出黎，燒吉列牛既時候就唔驚癡底，牛既香味亦都會更加出☺️ 加20蚊可以升級做午市定食，包埋楓糖溏心蛋同埋秘之飯素。個飯好好味🍚面頭鋪滿曬飯素，同埋有啲甜甜地既醬油，齋食個飯都已經好正😚溏心蛋係我鍾意既流心程度。另外佢仲有送一罐汽水，成個set食落好滿意🥰
2⃣️芝士吉列豚肉（$78）（+$20午市定食）
芝士汁同吉列豚肉係分開上既，芝士汁比左好大一兜😍芝士控大滿足。 芝士汁好香濃🧀同埋因為佢係分開上既，所以唔洗驚啲芝士汁會浸淋塊吉利豬。雖然呢間係出名食吉列牛，但係冇諗過佢既吉列豬都好高水準。炸衣好脆，唔會好厚，同埋最重要既係，入面塊豬一啲都唔乾！同埋豬既份量都幾多。不過我最鍾意都係佢個芝士汁🤤多到每塊豬都沾滿曬都夠用。
3⃣️秘燒牛肉野菜鍋（$98）（+$20午市定食）
呢個係意外地好食😳本身諗住應該係出面間間日本餐廳都有得食果啲壽喜燒牛肉鍋，點知原來唔係！ 佢既湯底係有牛骨既香味，同埋佢牛肉既份量極多，牛肉用既係有少少肥肉既部位，煮得好淋好入味，配合埋佢既湯底，同埋索曬味既金菇，正👍 真係覺得除左吉列牛之外，呢個都好值得試。
4⃣️趣脆蝦波（$48）
其實有啲後悔嗌左呢個，因為我地個個食完自己個餐之後，都好飽，但係呢個都好好食。 一碟有8粒，入面既蝦肉唔算打得好彈牙，但係係食到有蝦味，同埋真係有少少蝦既粒粒係入面。外面好脆，同埋佢層炸衣係有少少杏仁脆片係到，加埋佢啲千島醬，成個組合係好味既，不過真係食到我地好飽🙈
张贴
