影片
更多
2020-11-20
276 浏览
兩年前嚟過打邊爐，茶記咁嘅環境，開頭都冇咩期待，但個手切肥牛真係一試難忘，咁耐以來都心心念念想再嚟，見轉涼就訂咗位嚟多次。蕃茄薯仔魚雲湯底 ($88)本身滾起時飲一啖都唔算好特別，就係屋企嘅味道。 不過蕃茄薯仔魚雲越滾越出味，去到後期真係超鮮甜，湯底料就咁食都好好味好新鮮，魚雲啖啖骨膠原，平時少食魚頭都覺得完全唔腥好鮮味。 想要養生清新湯底嘅一定要試，好飲唔口渴。招牌手切肥牛 (大) ($258)上次嚟叫咗個細嘅手切肥牛一路後悔到而家，豪氣地叫咗份大嘅，一上枱其實覺得冇想像中咁大，不過肥牛舊舊都厚切大片，淥熟咗亦都唔會縮水，價錢合理。 平時食嘅手切肥牛只要有牛味又淋淋地都已經好收貨，但呢度嘅肥牛完全唔同級數，油花好靚，熟咗之後喺燈光下見到半透明嘅紋理真係好吸引，入口甘香軟滑，可以話係媲美和牛。 不過平時都少見人嗌，其實係滄海遺珠，我會再訪都係為咗佢而黎。芝士墨魚丸 ($98)一入口就食到粒粒鮮味嘅墨魚，咬開更加見到一點點流心芝士，難得地好貼題，所用嘅芝士亦都鹹香有奶味。韭菜餃拼鮮蝦雲吞 ($50)自家製嘅餃類係幾唔錯，韭菜餃充滿新鮮爽口嘅韭菜，菜肉比例控制得唔錯，鮮蝦雲吞亦都有大大粒鮮
蕃茄薯仔魚雲湯底 ($88)
本身滾起時飲一啖都唔算好特別，就係屋企嘅味道。 不過蕃茄薯仔魚雲越滾越出味，去到後期真係超鮮甜，湯底料就咁食都好好味好新鮮，魚雲啖啖骨膠原，平時少食魚頭都覺得完全唔腥好鮮味。 想要養生清新湯底嘅一定要試，好飲唔口渴。
招牌手切肥牛 (大) ($258)
上次嚟叫咗個細嘅手切肥牛一路後悔到而家，豪氣地叫咗份大嘅，一上枱其實覺得冇想像中咁大，不過肥牛舊舊都厚切大片，淥熟咗亦都唔會縮水，價錢合理。 平時食嘅手切肥牛只要有牛味又淋淋地都已經好收貨，但呢度嘅肥牛完全唔同級數，油花好靚，熟咗之後喺燈光下見到半透明嘅紋理真係好吸引，入口甘香軟滑，可以話係媲美和牛。 不過平時都少見人嗌，其實係滄海遺珠，我會再訪都係為咗佢而黎。
芝士墨魚丸 ($98)
一入口就食到粒粒鮮味嘅墨魚，咬開更加見到一點點流心芝士，難得地好貼題，所用嘅芝士亦都鹹香有奶味。
韭菜餃拼鮮蝦雲吞 ($50)
自家製嘅餃類係幾唔錯，韭菜餃充滿新鮮爽口嘅韭菜，菜肉比例控制得唔錯，鮮蝦雲吞亦都有大大粒鮮蝦，餃同雲吞皮淥熟咗之後都好完整好滑。
美國桶蠔 ($158)
成碟只係得四粒、但係好似手掌咁大嘅桶蠔有少少嚇親我，由於太大嚿唔係好識控制時間，一開頭未熟晒就食係會有少少腥，但識整到全熟之後就覺得幾鮮味。 不過打邊爐來講反而細少少會好啲，當係試吓新野啦。
響鈴 ($35)
新鮮炸起，配合埋咁鮮味又似老火湯嘅蕃茄薯仔湯底真係一流。
蜂巢凍豆腐 ($38)
都係吸味之選，蜂巢結構完全吸滿晒湯汁，一咬就喺口入邊噴發出嚟，超級正。
蘿蔔片 ($20)
清甜冇渣，入晒味之後有埋蕃茄嘅鮮甜，朋友大讚。
係就係冇咩靚裝，但勝在冇限時任坐傾偈，樣樣食材都唔錯，住附近真係會成日嚟。
张贴
