鏞鏞．藝嚐館

营业中

休息中

上個禮拜六同屋企人加埋兩個細路去K11 Musea行街，行到腳仔軟，就搵間坐得舒舒服服嘅餐廳食晚飯。見到鏞鏞藝嚐館個樣幾grand，諗住試下。我哋人多，叫咗幾樣餸share。我哋叫咗例牌嘅「招牌燒鵝」，啲皮好香，鵝肉又夠嫩滑多汁，兩個細路都爭住食；另外叫咗個「鮮鳳梨咕嚕肉」，酸酸甜甜，啲豬肉炸得外脆內軟，小朋友最鍾意。仲有個「揚州炒飯」，炒得夠乾身，料都足，大人細路都啱食。甜品我哋試咗個「生磨蛋白杏仁茶」，香滑得黎唔會太甜，暖笠笠好舒服。一家大細食得開開心心，食物質素又有保證，下次家庭聚會可以再考慮呢度。