古今二 (觀塘工業中心)

营业中

休息中

之前成日都聽朋友講古今二好好食，今次甘岩約朋友係觀塘食飯揀左呢間店。位於觀塘工業中心4期，一上樓梯轉彎就見到，入去環境都好舒服！呢個係龍捲風沙律，一上到黎覺得佢個份量真係好大份，好好食。佢既味道係少少辣辣地，加埋啲沙律醬同配料，成件事好夾好開胃！沙律菜好新鮮，入面仲有啲脆片，口感好多重。呢個牛舌簡直一絕，不得不叫，勁推！！煮到岩岩好，唔會un到咬唔開，而且一放入口啲油脂會係口到化開，超級好食啊！完全唔係似出面個啲甘un到似擦子膠。仲有個汁可以點，酸酸甜甜甘好開胃，一點都唔膩！不過我鐘意就甘食到油脂既感覺。呢個係火山，完全係味覺同視覺既享受，好配個佢個名。上面係有蟹籽、帶子、青瓜、牛油果同蟹柳鋪係下面既卷物，撈埋一齊食好鮮甜，份量都好足，性價比好高。我地仲叫左蜘蛛，係有炸軟殼蟹、蟹柳、青瓜同牛油果嘅卷物，食得出炸軟殼蟹仲好脆，擺盤精緻。仲有個清酒煮蜆，清酒嘅份量啱啱好，可以帶出蜆既鮮味，唔會好濃烈好苦。蜆既份量好多，蜆肉新鮮陣彈牙，最重要係無沙！！完全唔使擔心成口沙唔敢大大啖咬落去。店員好主動斟茶同收碟，服務態度值得一讚！難怪甘多朋友都推介，好食到我地碟碟都清曬！