影片
更多
2020-09-06
53 浏览
📍Burger Joys (灣仔)🔍灣仔駱克道42-50號君悅居地下E舖-----呢間非常出名嘅香港本土漢堡包店，一直都深得我心。除咗因為食物高質，我亦都非常之鍾意佢個名，將Burger同Joys二合為一，淨係睇到個餐廳名已經令人諗起食漢堡包嘅嗰種歡樂感。佢哋嘅灣仔店我都係第一次幫襯，餐廳望落乾淨企理，同其他分店一樣，感覺好美式，好有嗰種適合食burger嘅feel！而且地鐵站過黎都係3-4分鐘，地理位置幾方便。Fish burger 魚柳漢堡（$89）：一如既往咁，我都係一坐低就叫咗呢個我最愛嘅魚柳漢堡，超級大塊嘅魚柳咬落去熱辣辣，泌曬汁，好濕潤，麵包部分則鬆軟有致，軟綿綿又夠厚，食落蛋香非常重，食咗咁多次，每一次都冇令我失望，唔係我誇張，但係呢一個真係我食過最鍾意嘅魚柳包。Single burger 牛肉漢堡（$99）：同行嘅朋友唔食cheese，呢款漢堡就剛好滿足到佢嘅喜好，雖然無cheese，但咬落一樣口感同味道都非常豐富，扎實嘅牛肉漢堡扒加上新鮮嘅大番茄🍅同紫洋蔥，美味度的確不一般，難怪人潮源源不絕。黑松露薯條（套餐另外加$21）：黑松露味頗香，薯條亦香脆，雖然整體還不錯，但
🔍灣仔駱克道42-50號君悅居地下E舖
-----
呢間非常出名嘅香港本土漢堡包店，一直都深得我心。除咗因為食物高質，我亦都非常之鍾意佢個名，將Burger同Joys二合為一，淨係睇到個餐廳名已經令人諗起食漢堡包嘅嗰種歡樂感。佢哋嘅灣仔店我都係第一次幫襯，餐廳望落乾淨企理，同其他分店一樣，感覺好美式，好有嗰種適合食burger嘅feel！而且地鐵站過黎都係3-4分鐘，地理位置幾方便。
Fish burger 魚柳漢堡（$89）：一如既往咁，我都係一坐低就叫咗呢個我最愛嘅魚柳漢堡，超級大塊嘅魚柳咬落去熱辣辣，泌曬汁，好濕潤，麵包部分則鬆軟有致，軟綿綿又夠厚，食落蛋香非常重，食咗咁多次，每一次都冇令我失望，唔係我誇張，但係呢一個真係我食過最鍾意嘅魚柳包。
Single burger 牛肉漢堡（$99）：同行嘅朋友唔食cheese，呢款漢堡就剛好滿足到佢嘅喜好，雖然無cheese，但咬落一樣口感同味道都非常豐富，扎實嘅牛肉漢堡扒加上新鮮嘅大番茄🍅同紫洋蔥，美味度的確不一般，難怪人潮源源不絕。
黑松露薯條（套餐另外加$21）：黑松露味頗香，薯條亦香脆，雖然整體還不錯，但老實說都係漢堡更為出色，食咗幾次漢堡以外嘅食物，都係覺得薯粒最為驚艷。🥔
👶🏻B仔整體評價：8/10個👍🏻
👶🏻B仔抵食程度：7/10個👍🏻
👶🏻B仔環境評分：8/10個👍🏻
👶🏻B仔味道評分：8.5/10個👍🏻
👶🏻B仔回頭機會：9/10個👍🏻
#swallowhongkong
跟住我一齊吞食香港啦！🤤
#swallowwanchai
张贴
