影片
更多
2018-08-16
3687 浏览
又去食日本野，其實唔靜止OMAKASE，有冇聽過一種叫Kaiseki？Kaiseki即係懐石料理，係日本中常見既高檔菜色之一！「懐石」係形容緊佛教僧人坐禪時候係腹上放上暖石以對抗飢餓感覺，呢款菜式亦講求精緻，我就揀左係呢到一嘗Kaiseki既滋味餐廳有成層咁大，而且座得舒服，亦有和式感覺佢有分6/8 Course Early Autumn Kaiseki ，當然仲有散叫既menu，我同友人就揀左6 course，不過我地兩個都唔係好飲得酒，佢6款菜已經有5款酒，真係飲唔哂，同埋對酒冇乜研究，所以以下食評內純粹講下我對每隻酒既味道6 Course Early Autumn Kaiseki $880/person餐前酒：上善如水 氣泡酒(新潟縣)比較易入口既一隻，先帶少少甜，然後有少許酒精味，但又帶氣，令人先開胃前菜：清湯浸菊花、菊菜，新秋之銀杏 及 新子壽司——＞配餐酒：大門x文 純米吟釀(兵庫縣)一個較清新既前菜，用上清湯，所以冇其他調味既味道，就係本身菊花既花香，而菊菜食落有啲似菜苗，冇渣；新子即係發光魚中既小鯽，4-6cm既幼魚就叫做「新子」，佢既口感係屬於比較紮實既一種，味道比
餐廳有成層咁大，而且座得舒服，亦有和式感覺
佢有分6/8 Course Early Autumn Kaiseki ，當然仲有散叫既menu，我同友人就揀左6 course，不過我地兩個都唔係好飲得酒，佢6款菜已經有5款酒，真係飲唔哂，同埋對酒冇乜研究，所以以下食評內純粹講下我對每隻酒既味道
6 Course Early Autumn Kaiseki $880/person
餐前酒：上善如水 氣泡酒(新潟縣)
比較易入口既一隻，先帶少少甜，然後有少許酒精味，但又帶氣，令人先開胃
前菜：清湯浸菊花、菊菜，新秋之銀杏 及 新子壽司
——＞配餐酒：大門x文 純米吟釀(兵庫縣)
一個較清新既前菜，用上清湯，所以冇其他調味既味道，就係本身菊花既花香，而菊菜食落有啲似菜苗，冇渣；新子即係發光魚中既小鯽，4-6cm既幼魚就叫做「新子」，佢既口感係屬於比較紮實既一種，味道比較清淡但又不失魚鮮味，做前菜好適合。所配既餐酒就比餐前酒濃，唔甜，較重酒精但又唔係燒喉果種，酒味較重亦都較適合配如此清淡既前菜
刺身：吞拿魚腩、鷄魚、牛鰍魚切刺身
——＞配餐酒：喜多屋 寒山水 純米大吟釀(福岡縣)
刺身：吞拿魚腩、鷄魚、牛鰍魚切刺身
19 浏览
0 赞好
0 留言
依店員介紹先食牛鰍魚，然後鷄魚，最後吞拿魚腩。牛鰍魚好薄身，口感比較煙韌，較淡味，會特別配上一個甜甜酸酸既醬比你食牛鰍魚，沾醬後就會惹味啲；鷄魚自己好少食，食落去比較淡口，唔係油脂多既一種；吞拿魚腩唔洗多介紹，可見其層次分明，入口即溶！餐酒就帶微微既果香味同比較清新，岩配搭刺身
清湯：三陸名物，清湯蝦夷鮑魚配海膽
同樣選擇左用清湯去烹調，因為咁樣先食到最原始最新鮮既味，海膽就算浸係清湯都唔會散開一PATPAT，味道依然清甜，而蝦夷鮑魚來自北海道，佢既貝形雖然較小，但係肉都實厚而且富彈性
燒物：照燒京蔥鴨卷
——＞配餐酒：百十郎 黑面 純米大吟釀(岐阜縣)
你可以選擇加$100轉網燒宮崎牛西冷或者壽喜燒，我就冇轉到。我自己食日本野都比較少食鴨所以想試下，呢個相對上就比較失色少少，肉質比較實，略為有啲乾左少少，我個人中意食帶羶味既肉，所以接受到，但友人食唔到就覺得佢有少少羶，不過卷住既京蔥可以緩衝返股肉羶，另外，所配既餐酒亦起中和濃烈肉味同中和油膩感既作用(唔記得左影近照)，呢款餐酒酒味強烈，帶有少少蜜瓜味，同照燒京蔥鴨卷非常夾
飯：宮崎牛肉丼(山形縣黑澤農園白雪女皇米)
本身餐牌上既係鯛魚茶漬飯，但店員告知今日係「宮崎牛肉丼」，我都冇咩所謂既。所用既女王米係一款新興既米種，由越光米改良而成，食落去煙煙韌韌咁，有別於我地平時食日本丼飯既普通壽司飯，而宮崎牛肉用燒汁醃製，咸咸甜甜用以配飯最好不過
甜品：緣茶蜜和果子配綠茶雪糕
——＞配餐酒：白桃妃(岡山縣)
甜品：緣茶蜜和果子配綠茶雪糕
14 浏览
0 赞好
0 留言
甜品：緣茶蜜和果子配綠茶雪糕
16 浏览
0 赞好
0 留言
最後又點少得甜品作結尾？綠茶味濃而不澀，仲會帶點回甘，配上煙煙韌韌既和果子同埋紅豆，為今晚呢餐高質日本菜做結尾！食甜品都要配返隻甜果酒，白桃味非常出，好岩女士飲
一整枱都係酒!!!
呢餐確係一餐昂貴餐，每人要約$1000左右，同食一餐高檔OMAKASE相約既價錢，當然兩者並不一樣，但餐廳位於中環，仲要係蘭桂芳隔離，加上亦係走高級日本料理既餐廳，其價格定位不難理解，如果你係兩位女士前來既話可能你都會食得飽，但如果兩位大食既男士就未必，不過食呢啲菜式向來都係貴精不貴多？
张贴
