露台餐廳

营业中

休息中

上個禮拜四去咗一間餐廳度食午飯，未入去都覺得間餐廳好有排頭。你一入去就覺得有啲感覺似半島酒店嘅餐廳。我個朋友講比我聽之後，原來真係半島集團嘅餐廳。聽到後，就即刻多D信心對間餐廳。餐廳裏面有一種心曠神怡嘅感覺，舒服得嚟，都好高雅。裝修好靚，好別緻。我哋叫咗個lunch set。頭盤係自助的。我揀咗三文魚做主菜，我朋友就揀咗牛肋骨做主菜。佢哋嘅自助頭盤種類非常多。而且都好好食。尤其是蟹肉小點。麵包係新鮮出爐架，熱辣辣香香脆脆，真係好好食，又有唔同嘅芝士配搭。如果食得落仲可以叫埋甜品添。佢哋凍肉都好好食架。又有好多唔同嘅沙律菜，而且啲菜非常新鮮。個慢煮三文魚煮得好好食，啲肉好滑加埋嗰好開胃嘅汁一起，真係好味又特別。因為佢啲汁係酸酸地有西柚味同真正西柚肉。個牛肋骨都整得唔錯，啲牛肉好林。佢哋個咖啡都做得唔錯架。係呢度食嘢，係真係可以享受到大自然嘅安靜，唔覺得自己係繁囂嘅香港。好舒服。