影片
更多
2023-11-29
108 浏览
2023年11月9日 星期四今日早左收工但老婆要加班，所以今晚要一個人食飯，漫無目的係中環行左一陣之後，決定今晚要食日本野，仲要食好啲等自己開心下最後係網上面搵到呢間位於Stanley 11既餐廳，網上評價唔錯，而且位置樓層極高，可以睇到中環嘅景色，裡面都裝修得好雅致，感覺似係日本嘅居酒屋咁，全部位置坐吧枱，可以清楚地見到師傅整嘢食餐牌可以單點或者要Omakase，價錢中環嚟講都算合理，最後我點咗刺身、卷物同一啲小食，店員都話一個人應該夠食首先黎到既係刺身拼盤，分別有三文魚、帆立貝、中拖羅同蝦，蝦上面放左蝦膏，食落去蝦味好濃郁，而且肉質彈牙有口感，中拖羅就入口即溶，完全無筋，十分新鮮之後有燒鱈魚乾，師傅燒得好乾身，所以一咬落去就脆卜卜，用黎送酒一流，加埋沙律醬一齊食更加滋味呢個係餐廳特色卷物，上面有海膽、吞拿魚蓉同三文魚籽，口感十分豐富，海膽同吞拿魚蓉互相配合，兩款味道都食得出，而且完全唔需要點醬油都已經好夠味，三文魚籽咬落既鹹味更帶出整舊卷物既鮮然後有芝士焗大蝦，師傅燒得好香，裏面有好多蝦膏，撈埋蝦肉同芝士一齊食更加夾，而且隻蝦都幾大隻，一個人食就啱啱好最後甜品有抹茶果子，十分煙靭，
今日早左收工但老婆要加班，所以今晚要一個人食飯，漫無目的係中環行左一陣之後，決定今晚要食日本野，仲要食好啲等自己開心下
最後係網上面搵到呢間位於Stanley 11既餐廳，網上評價唔錯，而且位置樓層極高，可以睇到中環嘅景色，裡面都裝修得好雅致，感覺似係日本嘅居酒屋咁，全部位置坐吧枱，可以清楚地見到師傅整嘢食
餐牌可以單點或者要Omakase，價錢中環嚟講都算合理，最後我點咗刺身、卷物同一啲小食，店員都話一個人應該夠食
首先黎到既係刺身拼盤，分別有三文魚、帆立貝、中拖羅同蝦，蝦上面放左蝦膏，食落去蝦味好濃郁，而且肉質彈牙有口感，中拖羅就入口即溶，完全無筋，十分新鮮
之後有燒鱈魚乾，師傅燒得好乾身，所以一咬落去就脆卜卜，用黎送酒一流，加埋沙律醬一齊食更加滋味
呢個係餐廳特色卷物，上面有海膽、吞拿魚蓉同三文魚籽，口感十分豐富，海膽同吞拿魚蓉互相配合，兩款味道都食得出，而且完全唔需要點醬油都已經好夠味，三文魚籽咬落既鹹味更帶出整舊卷物既鮮
然後有芝士焗大蝦，師傅燒得好香，裏面有好多蝦膏，撈埋蝦肉同芝士一齊食更加夾，而且隻蝦都幾大隻，一個人食就啱啱好
最後甜品有抹茶果子，十分煙靭，唔會太甜，抹茶味濃郁，食埋真係勁滿足
张贴
