影片
更多
2022-09-04
41 浏览
Bookmark咗呢間好耐，阿叔終於有機會食到日法割烹料理喇！網上搵資料，割烹係指「高級日本料理餐廳」，餐廳會採用開放式廚房，客人多數坐係吧檯，一邊睇住師傅煮，一邊用餐，情況同廚師發辦非常相似。 呢間料理店位於銅鑼灣一間酒店🏨入邊，裝潢設計走暗黑型格路線，地方唔算好大，除吧檯有大概10個座位外，仲有兩間VIP房，吧檯對正位置就係開放式廚房，師傅烹煮時嘅情況一目了然。 🥢Omakase set ($1080)：只限下晝提供嘅套餐，有刺身、時令食品、甜品，仲有呢度主打、阿叔非常期待嘅宮崎縣尾崎和牛！😍🐟刺身：盛宴開始，先以金目鯛同石垣貝仙氣登場，前者肥美鮮甜，後者爽口彈牙。🐟甘鯛立鱗燒：將甘鯛連鱗一齊烹調，經過煎炸、烤製至金黃色，酥香清脆之餘，亦外脆內軟。🐟燒鰻魚：鰻魚燒至剛剛好，魚皮脆，魚肉嫩，而且有著濃濃嘅炭香味。🥪宮崎牛三文治：終於入戲肉喇，宮崎牛肉味濃郁，肉質幼嫩，帶有少少甜味，配上香脆麵包，雙重口感，非常好味！🍜尾崎牛涮涮鍋：心諗食到宮崎牛三文治已經好滿足，但原來寶物沉歸底，呢度食完真心幸福！首先，湯底用上大量牛骨熬煮二十個鐘而成，難怪味道超濃郁；尾崎牛兩大塊，肉質超軟滑，真係入
呢間料理店位於銅鑼灣一間酒店🏨入邊，裝潢設計走暗黑型格路線，地方唔算好大，除吧檯有大概10個座位外，仲有兩間VIP房，吧檯對正位置就係開放式廚房，師傅烹煮時嘅情況一目了然。
🥢Omakase set ($1080)：只限下晝提供嘅套餐，有刺身、時令食品、甜品，仲有呢度主打、阿叔非常期待嘅宮崎縣尾崎和牛！😍
🐟刺身：盛宴開始，先以金目鯛同石垣貝仙氣登場，前者肥美鮮甜，後者爽口彈牙。
🐟甘鯛立鱗燒：將甘鯛連鱗一齊烹調，經過煎炸、烤製至金黃色，酥香清脆之餘，亦外脆內軟。
🐟燒鰻魚：鰻魚燒至剛剛好，魚皮脆，魚肉嫩，而且有著濃濃嘅炭香味。
🥪宮崎牛三文治：終於入戲肉喇，宮崎牛肉味濃郁，肉質幼嫩，帶有少少甜味，配上香脆麵包，雙重口感，非常好味！
🍜尾崎牛涮涮鍋：心諗食到宮崎牛三文治已經好滿足，但原來寶物沉歸底，呢度食完真心幸福！首先，湯底用上大量牛骨熬煮二十個鐘而成，難怪味道超濃郁；尾崎牛兩大塊，肉質超軟滑，真係入口即溶嗰隻，配埋質感Q彈嘅鴨蛋黃拉麵，世一拉麵是也，建議餐廳可開店獨立發展呢個涮涮鍋！
张贴
