影片
更多
2021-10-05
247 浏览
獨食阿叔👨🏾出沒注意！無錯，阿叔成為自由人後，的確好鍾意一條友周圍食👅、周圍飲☕️，完全唔受時間嘅限制。加上自己會避開食飯時候去，少人啲食，感覺會更Chill！😌 不過點樣一個人食都好，暫時都仲未接受到一個人鋸扒同一個人打邊爐🙅🏻♂️。但今次可以話有啲破例喇😅！因為呢間主打一人爐嘅海鮮蒸鍋實在太吸引，由座位設計到餐牌都剛好為一個人已設，原來一個人嚟食海鮮蒸鍋都可以好盡興架！🥳 🍱八府巡按套餐 ($348)，海鮮基本上沾咗全個餐嘅一半有多，有龍蝦半隻🦞、蟶子皇、鮑魚、元貝、白蜆、鮮魚片🐟、蝦🦐等，肉類方面有安格斯牛🐮、雞🐔同三寶丸 (牛丸、貢丸同墨魚丸)，另外仲有前菜刺身、炸物、蔬菜拼盤同埋最後嘅粥底。阿叔特別推介呢度嘅龍蝦同安格斯牛，前者肉質夠彈牙，味道又鮮甜；後者就肉味濃郁，食好幾件都唔覺膩😋。嚟呢度食，唔洗怕唔知啲食物要蒸幾耐，因為佢哋每款都有建議時間⏱畀大家，只要跟住時間蒸，包你唔會食到過生或過熟嘅食物。☺️ 成個餐超級豐富，老實講，呢個價錢食晒所有海鮮已經抵咗(或飽咗)大半，如果你食得晒成個餐，真係要連續跑番14日先得，好邪惡呀~~🙈🙈🙈
不過點樣一個人食都好，暫時都仲未接受到一個人鋸扒同一個人打邊爐🙅🏻♂️。但今次可以話有啲破例喇😅！因為呢間主打一人爐嘅海鮮蒸鍋實在太吸引，由座位設計到餐牌都剛好為一個人已設，原來一個人嚟食海鮮蒸鍋都可以好盡興架！🥳
🍱八府巡按套餐 ($348)，海鮮基本上沾咗全個餐嘅一半有多，有龍蝦半隻🦞、蟶子皇、鮑魚、元貝、白蜆、鮮魚片🐟、蝦🦐等，肉類方面有安格斯牛🐮、雞🐔同三寶丸 (牛丸、貢丸同墨魚丸)，另外仲有前菜刺身、炸物、蔬菜拼盤同埋最後嘅粥底。阿叔特別推介呢度嘅龍蝦同安格斯牛，前者肉質夠彈牙，味道又鮮甜；後者就肉味濃郁，食好幾件都唔覺膩😋。嚟呢度食，唔洗怕唔知啲食物要蒸幾耐，因為佢哋每款都有建議時間⏱畀大家，只要跟住時間蒸，包你唔會食到過生或過熟嘅食物。☺️
成個餐超級豐富，老實講，呢個價錢食晒所有海鮮已經抵咗(或飽咗)大半，如果你食得晒成個餐，真係要連續跑番14日先得，好邪惡呀~~🙈🙈🙈
张贴
