Odelice! (The ONE)

【 充滿水準的法國菜 】🎂因為老公生日，終於有藉口放低兩個仔仔去拍拖食飯喇！難得可以清靜地享受晚餐，所以我揀左間係尖沙咀The One的法式小館 Odelice，和老公一齊感受下充滿水準的法國菜！🥂Odelice 的餐廳佈置簡潔時尚，侍應職員態度親切有禮，令人感到好舒服。🍰我哋今晚點了「法式小館雙人套餐」，有齊餐湯、主菜、甜品和特飲，好豐富好滿足。💕安妮媽咪推介菜式 :🍅蕃茄茴香酒煮蜆蜆的份量足，有好香的蕃茄味，令人食完一粒再一粒。🥩牛脊肉配法國鵝肝牛脊肉啖啖肉，七成熟剛剛好，一口牛配一口鵝肝，味道絶配。配菜的薯蓉好creamy，滿滿牛油香，我同老公都好鍾意食。🍗法國油封鴨腿很高質的法國巧手菜式，鴨腿肉質好幼嫩夠入味，值得一讚係配菜都做得好出色，尤其係羽衣甘藍和蘋果片，完全吸收哂醬汁的精華，好正！🍊甜品我哋揀左「火燄橙酒可麗餅」，侍應會在可麗餅上將酒燃點，好靚好特別，滿足視覺享受。法式薄餅好軟薄，配搭雲呢嗱雪糕和橙肉一齊食，味道好夾好好味！🍹飲品我哋點了檸檬蜜糖薄荷凍飲茶和晴天凍飲茶，兩杯都好清新解渴，可以一解成餐飯的油膩感。