影片
更多
2023-09-01
1190 浏览
前幾個星期有日想walkin入去發現原來都幾多日，今次就同朋友真係book左台先過去食，依然個場都係爆曬場，即要試試佢。———————————————🌟和牛茶漬飯和牛係呢間居酒屋嘅招牌之一，平時都少食茶漬飯，見佢張相幾靚就決定叫一個同朋友試，成個set上打卡都幾靚。大家可以根據個人喜好加配料再倒茶落去，和牛非常粉嫩，雖然眼睇好似好生咁但食落一啲都唔會韌，而且牛味好重。.🌟極上蟹膏蟹肉燉飯呢個燉飯都幾推薦，有原隻蟹殼比你打卡，不過蟹嘅味道如果撈曬蟹肉蟹膏就唔算話好重，反而係個燉飯有少少似龍蝦果種味，感覺就係用濃郁嘅海鮮湯燉製而成，味道鮮美。.🌟鮮魚兩食呢個非常推薦，兩食嘅意思分別係刺身同天婦墨，但兩種都非常有驚喜。刺身切得非常薄身，而且味道好鮮甜，除咗就咁食開佢另外都提供咗一種酸酸甜甜嘅柚子汁可以點刺身食。天婦羅方面新鮮炸起熱辣辣，入面包有一塊紫蘇菜，少少嘅香料味更突顯魚本身嘅鮮味，份量都令人滿意。.🌟網燒肉眼扒同出面嘅肉眼扒有少許唔同，醬汁方面係用醃洋蔥加蛋汁，相當特別。牛肉本身味道濃郁，不過熟成度上有少許過熟導致肉汁流失比較多及面頭比較乾身，但味道上仍是極佳。.🌟和牛壽司和牛味道超正
前幾個星期有日想walkin入去發現原來都幾多日，今次就同朋友真係book左台先過去食，依然個場都係爆曬場，即要試試佢。
———————————————
🌟和牛茶漬飯
和牛係呢間居酒屋嘅招牌之一，平時都少食茶漬飯，見佢張相幾靚就決定叫一個同朋友試，成個set上打卡都幾靚。大家可以根據個人喜好加配料再倒茶落去，和牛非常粉嫩，雖然眼睇好似好生咁但食落一啲都唔會韌，而且牛味好重。
.
🌟極上蟹膏蟹肉燉飯
呢個燉飯都幾推薦，有原隻蟹殼比你打卡，不過蟹嘅味道如果撈曬蟹肉蟹膏就唔算話好重，反而係個燉飯有少少似龍蝦果種味，感覺就係用濃郁嘅海鮮湯燉製而成，味道鮮美。
.
🌟鮮魚兩食
呢個非常推薦，兩食嘅意思分別係刺身同天婦墨，但兩種都非常有驚喜。刺身切得非常薄身，而且味道好鮮甜，除咗就咁食開佢另外都提供咗一種酸酸甜甜嘅柚子汁可以點刺身食。天婦羅方面新鮮炸起熱辣辣，入面包有一塊紫蘇菜，少少嘅香料味更突顯魚本身嘅鮮味，份量都令人滿意。
.
🌟網燒肉眼扒
同出面嘅肉眼扒有少許唔同，醬汁方面係用醃洋蔥加蛋汁，相當特別。牛肉本身味道濃郁，不過熟成度上有少許過熟導致肉汁流失比較多及面頭比較乾身，但味道上仍是極佳。
.
🌟和牛壽司
和牛味道超正，放入口都唔捨得一啖食曬，慢慢咬多幾啖品嚐佢果種牛味同埋入口即溶嘅口感。加上本身又用火燒過，飯連肉都非常香口，真係唔可以錯過。
.
🌟原個鮮果雪芭(蘋果)
本身想叫桃但可惜已經冇曬，好彩呢個蘋果味都係相當高質，中間嘅雪芭味有超濃嘅蘋果味，每啖食落去都好冰爽。蘋果本身都可以食，應該係冰格急凍出嚟，有敏感牙齒嘅我都忍唔住咬咗好幾啖，又甜又冰又多汁真係夏日必叫。
.
🔸整體評價🔸
食物整體由味道、用料同擺盤都非常用心，而且餐廳員工都好勤力服務好周到，建議大家可以試下。不過因為佢平日都幾full，大家記得先預訂坐位再過去！
张贴
