影片
更多
2016-08-22
4270 浏览
記得喺城大返學嗰陣，唔係喺學校Canteen食頹飯、就係去又一城Food Court捱貴餐。直到有一日有同學介紹咗另一個「城大飯堂」俾我，自此我哋就多咗個新食點，呢個就係南山邨嘅「品香樓」。 自畢業之後，其實都好少踏足石硤尾一帶，今晚陪屋企人參加完大陸一日睇樓團後，咁啱經過附近，就想帶屋企人一齊去試下同懷緬下昔日讀書嘅時光。 品香樓位於舊式公共屋邨「南山邨」入面，呢度無都市嘅繁囂，有嘅係大排檔、賣懷舊玩具嘅報攤、賣水果嘅老婆婆，同埋濃烈嘅屋邨「人情味」，非常貼地。 多年無去，原來而家已經開多咗間分店。不過晚飯時段，依然都要等位，但大約15分鐘左右就可以入座。 店內光線充足，俾人感覺都算舒服，只係座位同座位之間比較狹窄，不過如果坐到卡位就會舒適好多。 餐牌咁多年嚟風格都無變，唯一變嘅係加左熱賣排行榜之類嘅Term，成件事感覺年輕好多。 點菜方面，我地決定每人點一道菜，而我其實一早就已經有咗目標，就係「蜜桃沙拉骨」，仲記得個陣一大班人食飯，我地必點嘅就係呢道菜。 沙拉骨炸過之後外脆內軟，配搭埋沙拉汁、甜甜地一流。而且份量都幾多，食肉獸必點。 另外點咗四道菜，呢個「火焰蜜味牛仔骨
自畢業之後，其實都好少踏足石硤尾一帶，今晚陪屋企人參加完大陸一日睇樓團後，咁啱經過附近，就想帶屋企人一齊去試下同懷緬下昔日讀書嘅時光。品香樓位於舊式公共屋邨「南山邨」入面，呢度無都市嘅繁囂，有嘅係大排檔、賣懷舊玩具嘅報攤、賣水果嘅老婆婆，同埋濃烈嘅屋邨「人情味」，非常貼地。
多年無去，原來而家已經開多咗間分店。不過晚飯時段，依然都要等位，但大約15分鐘左右就可以入座。店內光線充足，俾人感覺都算舒服，只係座位同座位之間比較狹窄，不過如果坐到卡位就會舒適好多。
餐牌咁多年嚟風格都無變，唯一變嘅係加左熱賣排行榜之類嘅Term，成件事感覺年輕好多。
點菜方面，我地決定每人點一道菜，而我其實一早就已經有咗目標，就係「蜜桃沙拉骨」，仲記得個陣一大班人食飯，我地必點嘅就係呢道菜。沙拉骨炸過之後外脆內軟，配搭埋沙拉汁、甜甜地一流。而且份量都幾多，食肉獸必點。
另外點咗四道菜，呢個「火焰蜜味牛仔骨」 ，上枱時點火嗰下夠晒搶眼，食落洋蔥香甜、牛肉味濃、肉質鬆軟，係偶爾有一兩舊偏韌，但整體良好。嚐甜既我就好鍾意，但爸爸就稍嫌有點兒過甜。
「椒鹽鮮魷」 新鮮熱辣炸起上枱，味道足，口感方面，魷魚稍為軟身。爸爸話可能係魷魚太新鮮或未抽乾水份所致，鍾意有咬口可能會有啲失望，記住趁熱食唔係會淋。
「瑤柱鮮枝竹浸娃娃菜」 上碟前以為係湯上， 點知原來係扒娃娃菜。份量亦好多，味道屬正常之作，非必點項目。
反而呢道「蒜蓉生菜」，聽落好似平平好奇，但全枱都好鍾意。生菜用生蒜同炸蒜混合炒過，蒜味濃郁，連平時唔多食蒜嘅朋友都覺得好好味。
最後…當然唔少得一杯「凍朱古力」！返學時候成枱十幾人，一人一杯凍朱係枱面，就好似小朋友飲可樂一樣咁開心。呢度朱古力嘅特色係上面附有一大舊Cream，以茶餐廳質素嚟講賣相一流，但味道其實只屬普通朱古力，可點可不點。在於我嚟講只係回憶系列。
最後埋單＄437免收加一。4個人食到捧住個肚走，個人覺得算好抵，下次有機會，希望係同一班舊同學一齊回憶過去嘅歡樂時光。相信每個人成長當中，都有一個屬於自己嘅飯堂，唔知你地嘅飯堂又會係咩呢？
【 Facebook專頁】 當Cony遇上Brown 【Instagram 】 cony_luv_brown
张贴
