品香樓中西風味餐廳

营业中

休息中

好多年無嚟食嚕 都仲係咁多人 好彩有book定枱估唔到屋村酒樓都會有QR code落單嗌咗6個餸加個飯黃金脆炸魚皮 $108無諗過都幾大盤外層鋪滿晒鹹蛋黃 味道鹹鹹香香 配埋香脆嘅炸魚皮 好夾好好味椒鹽鮮魷 $128賣般一般般 色水好淡 丁點金黃都無嘅味道就….都好一般風沙雞 (半隻) $168 見枱枱都有嗌 跟住嗌咗半隻嚟試吓雞雞皮脆肉嫩 加埋面頭啲脆脆 口感都唔錯但就越食越鹹菠蘿咕嚕肉 $118ummmmmmm 醬汁偏酸 肉質都怪怪的火焰密椒牛柳粒 $128點晒火咁猛料 可惜得個樣 一啲都唔惹味肉質淋得嚟無乜口感 有啲失望啫啫通菜煲 $98見隔離上枱嗰陣聞落好香 所以跟住咗嗌食落真係幾香幾惹味 但都係偏鹹🫠明太子炒飯 $88份量好足好大碟 亦都炒得好香 但同明太子無乜關係😂同埋有好多葱 揀得好辛苦凍朱古力 $29當年就係為咗依杯凍朱依嚟滿滿嘅cream 好滿足

【深水埗區】【品香樓】同朋友食飯，往往難比登天，因為我實在太忙，好抱歉。今次就同朋友嚟到石硤尾名物「品香樓中西風味餐廳」食嘢，呢頭全部都係社交平台小食店，冇人識食正餐㗎喇。所以本身爆到九彩，甚至有兩邊舖位嘅品香樓，都縮到剩返一邊舖，仲要一入去就有位呀。必點 $168 嘅「風沙雞」半隻，好似細隻咗，不過風味依然，都仲係咁脆咁邪惡。跟住又係名物出動，係 $118 嘅「南乳炸豬手」，基本上呢兩碟係不假思索就叫咗，炸豬手配以特製南乳醬，滿口都係回憶。係呀，其實十幾年前左右都真係成日都食呢間㗎。跟住食 $68 嘅「啫啫通菜煲」，現場即時放落去熱鍋度，夠晒勁，視覺味覺都有享受。所以都一人叫一個 $15 嘅「白飯」，有嘢送吓飯嘛。嘢飲方面，好多嘢都冇，又遲一遲先講，朋友飲 $29 嘅「蘋果沙冰」，我就飲 $27 嘅「凍檸茶走甜」，埋單 $470 咁囉。。。（地址：石硤尾大坑東道111號南山邨南山商場平台204-205及210-213號舖）#1amfoodie #foodie #hkfoodie #thatfoodiething #hkfood #food #instafood #yummy #foo

第一次去依間餐廳，我哋嗌咗嘅幾道菜，每款都幾好食，仲有濃濃嘅懷舊風味同熱鬧嘅用餐氣氛，冷氣非常夠凍！絕對值得一讚！1. 風沙雞半隻風沙雞係一個亮點，見好多人都有嗌，外皮炸得金黃香脆，咬落去啖啖肉汁，雞肉嫩滑得來帶點蒜香同香料嘅獨特風味。調味啱啱好，唔會太鹹，食完一塊仲想再食多塊！半隻份量剛好。2. 咕嚕肉經典嘅咕嚕肉幾好食！酸甜醬汁濃稠得宜，裹住每塊豬肉都均勻，酸酸甜甜嘅味道好開胃。豬肉炸得外脆內嫩，仲有啲菠蘿同青紅椒增添口感同色澤，係一道老少咸宜嘅菜！3. 西蘭花花枝帶子西蘭花普通，花枝同帶子新鮮彈牙，炒得火候幾好，保留咗食材嘅原味。4. 蠔餅蠔餅係我覺得最好食！外層煎得香脆，內裡軟糯，滿滿嘅蠔肉同蔥花爆發出濃郁嘅海鮮香。每一啖都食到蠔嘅鮮味同餅嘅蛋香完美融合，配上少少辣醬或者醋，真係唔錯。

相隔十年之後再次幫襯呢一間南山邨老字號酒家，味道保持到。招牌手撕雞係要預訂嘅，上次嚟都食唔到，今次學精咗訂位嗰陣時候預訂埋，上枱時候嘅賣相真係頂級，有乾冰噴曬煙咁樣，不過手撕雞味道只屬一般。另一個招牌菜就係呢一個南乳炸豬手，味道還可以，不過又係冇外間講到咁出色。跟住嗌咗一碟好邪惡嘅餸，就係黃金蝦，呢個做得幾好食，啲鹹蛋黃好香。呢個豬潤豬腸煲好惹味，特別係啲乾蔥頭好正。蠔餅都ok喎，雖然都係炸唔係煎，不過啲蠔仔都幾新鮮。

結婚前成日幫襯嘅「品香樓」，結婚後好似一次都冇去過。十多年後帶埋公公同個仔嚟幫襯，由兩舖變四舖，而且四間舖都爆滿，兼且仲keep得住水準👍🏻，都咪話唔勁。凍朱古力（$27)仍然係「世一」朱古力味超濃郁，冇一間能及；不過啲橙汁冰同埋芒果冰就唔得了，建議唔好叫。手撕雞～要早一日預訂。平時喺街手撕雞，一定有一大陣漂白水味，呢間完全冇。而且啲雞完全唔鞋，不過唯一美中不足係冇芝麻同麻醬。南乳豬手：公公讚不絕口，非常Juicy又脆口。南乳醬好好味。而且價錢$118。超值黑椒牛柳粒：以為細細兜冇乜牛肉粒，已經原來裏面超多，食極都有，公公覺得味道偏甜，但係我覺得剛剛好，牛肉好腍，又有牛味，必叫煎蠔餅（冇影相） ~又係好好味，炸得好脆，不過佢第四碟先嚟，已經飽咗一大半，所以食唔晒樣樣都好食。公公對今餐超級滿意🥰🥰仲講咗好多次話未食過咁好味嘅豬手。只係略嫌卡位超級迫，食完佢唔趕你走，佢都好想快啲走。相信我哋好快會再幫襯，希望下次可以食到風沙雞😋#留港消費#自己香港自己撐

每三個月都會揸車來食一次。每次必叫以下三項推介火熖牛柳粒配三色椒牛柳粒入口軟嫩熟香，搭配三色椒增添色彩與鮮甜，火熖烹調保留肉汁，香氣撲鼻，令人回味無窮。啫啫通菜煲熱辣辣的啫啫煲，通菜爽脆，配以濃郁醬汁，熱煱上桌鎖住風味與溫度，滋味十足，絕對值得一試。凍朱古力必點飲品！香濃朱古力味道濃郁，頂層忌廉輕盈順滑，冰涼口感令人滿足，完美為餐點畫上句號。品香樓以火熱出品與濃厚風味為主打，值得去試的風味餐廳，附近仲有大排長龍的10元雞蛋仔作飯後甜品！

有朋友外國黎想試一試香港野就去左品香樓叫餸食飯火焰蜜椒牛柳粒$128一上檯會有點火儀式有薯仔 牛柳粒 椒 同洋蔥牛柳粒唔柴 熟度剛剛好味道夠賽螃蟹$118有蟹籽 帶子同蝦蛋白滑蟹籽配蛋白食非常夾啫啫通菜煲$98一上菜會轉煲正常糖醋桂花魚$138糖醋少少酸多甜魚多骨但炸得夠脆的金銀蛋白菜仔正常小炒皇蝦乾味入曬韮菜花而韮菜花本身夠鮮唔係老用油炒菜爽口椒鹽鮮魷大塊份量都多一上檯就夾黎食冇諗到咁熱粉漿唔算厚風沙雞一隻$288全場最好食雞肉剛剛好上一秒仲係粉紅色個種皮炸完配蒜一流預左係送飯小菜會偏咸價錢真心對得住個味道缺點係碗太細

以前返學成日都黎喱到食宵，飲朱古力，今日同大學同學聚會，返黎喱到懷愐下。椒鹽鮮魷金黃酥脆的外皮，鮮魷的肉質超嫩，味道鮮美。通菜煲通菜的口感脆脆的，特別適合平衡一下油膩感覺牛柳粒牛肉火侯剛剛好，夠嫩滑！裡面還有青椒和洋蔥，送飯好食。老實講茶餐廳嚟計價錢一啲都唔算平，但口感和味道出色，當日六七點呢度都已經滿場今時今日嚟講餐廳可以咁多人食都唔容易，值得支持。

位於石硤尾南山村既品香樓，光顧多次了，但味道依然，好味！還有我最愛的凍朱古力，上面的忌廉😍南乳雞翼雞翼肉質飽滿，南乳味剛好 ，如果份量多點就更完美。金銀蛋豆苗正常發揮，豆苗嫩滑，大碟抵食。啫啫通菜煲吱吱聲既熱鍋上菜，炒得香氣撲鼻，簡單好食。手撕雞需訂位時預訂，上菜時仙氣滿滿😆大碟有驚喜，這次肉質不夠嫩滑，希望下次再食會更好。火焰蜜椒牛柳粒必點既火焰牛柳粒，儀式感滿滿☺️牛柳粒咬口非常好，蜜椒帶甜，送飯一流。非常滿足的一餐，餐廳環境一般，可能樓底矮，人流食客多，環境會較嘈吵。不過食物質素高同價錢合理，值得再來。是呢，大家知道品香樓前身是做什麼菜式的餐廳嗎？🫢

大推呢一隻炸子雞雖然喺屋村嘅茶餐廳嚟講，佢個價錢唔係特別平但佢真係做到個皮脆肉嫩超級食香味保存呢個雞翼都係超級邪惡之選因為佢啱啱炸好入口佢嘅時候啲煙同埋又係即刻迫出嚟所以小心會焫親個嘴或者條脷其他小菜都上得好快唔記得影相添間餐廳唯一唔好就係坐得非常之逼佢樓底比較低所以就會令到啲聲音不停困喺個餐廳入邊如果一圍枱嘅人食飯，基本上係要大叫對方先至會聽得到你講嘢我會建議呢間餐廳四至六個人食咗剛剛好因為嗰種太多款小菜想試但如果太多人嘅話，就根本傾唔到偈

跟朋友在石硤尾運動場打完籃球，打完籃球後才是今晚的重點，宵夜時間，宵夜大家的地點都是一置的，就是南山邨的品香樓。晚上的南山邨是人山人海的宵夜勝地，我們一人點了一個餸。啫啫芥蘭煲非常有鑊氣，味道不會太咸而好香，熱辣辣嘅煲真係非常重要。之後是麻辣肥腸，這個辣不是死辣，非常香口，肥腸夠肥好香口，最後就是那些配菜洋蔥大蔥之類，這道菜送酒一流。之後是椒鹽多春魚，熱辣辣即叫即做，魚非常大條有肉地。之後就是那個薯仔蝦煲，蝦的味道都可以，奇怪的是這道菜又有薯仔肉又有薯條，但味道真心的不錯，最後便是必點的火焰蜜椒牛柳粒，這道菜一上枱店員便點火，非常的打卡喔！味道都是跟以往一樣，非常的香口，牛柳粒好有牛味，滿足的食完便離開了。

此店是南山邨的人氣餐廳, BOOKMARK咗好耐, 一直都無機會到訪, 今次終於要試一試 食物 : 風沙雞半隻 $158 ~ 風沙雞都是此店的名物之一, 所以我都係為咗叫雞而來, 好在沒有失望, 雞皮炸得好香好脆, 但雞肉就好嫩唔會嚡, 有風味, 真係好食, 不過要等比較耐, 但值得等的 揚洲炒飯 $50 ~ 只食半隻雞唔夠, 諗住叫多個炒飯食下, 見到特價快餐有揚洲炒飯, 價錢又好低, 就決定叫, 不過特價快餐應該是預先炒好一大鑊, 有人叫就畢出來, 沒有鑊氣, 同出面的快餐是一樣的, 比較失望 飲品 : 凍檸茶 ~ 味道正常 環境 : 屋邨餐廳就是那種風味, 一定係迫迫地才有味道 服務 : 職員有禮貌 價錢 : HK$240 (無加一服務費)

餐廳兩旁設有卡座, 中間設有大圓枱。卡座椅背甚高, 略有私隱。下午茶時段有西式小食, 常餐, 麵食和中式炒粉麵飯供應。雖然沒有人氣小菜供應, 但也點了菠蘿咕嚕肉飯, 感受一下其中式小菜的味道。下午茶特價炒粉麵1) 菠蘿咕嚕肉飯 $482) 餐飲轉忌廉朱古力 $11 (凍飲加$3, 忌廉加$8)菠蘿咕嚕肉飯以碟頭飯形式奉上, 有酸甜的菠蘿, 爽脆的三色椒和翠綠的西蘭花, 賣相吸引, 增進食慾。白飯粒粒分明, 乾身偏硬, 細嚼有香甜味。咕嚕肉無骨, 啖啖肉, 有彈性, 掛滿醬汁, 酸甜開胃。醬汁味道自然, 沒有嗱喉的感覺。忌廉朱古力是這餐廳的人氣飲品, 見餐牌的朱古力並沒標明有忌廉, 為免有誤, 點餐時特意指明是有忌廉的朱古力, 便萬無一失。忌廉朱古力是邪惡的, 朱古力味道十分濃郁, 忌廉的份量差不多有飲品的一半, 質感軟滑, 如面頭灑上的朱古力粉可更瘋狂, 邪惡度將更提高。 

位置石硤尾大排檔品香樓，依間大排檔真是會令人食完再食，因為每次叫的菜都沒有令你失望，佢地師傅真心覺得不錯，今次收工都同朋友上去食飯，簡簡單單叫左四樣菜。每次必叫火焰蜜糖牛柳粒，牛柳粒大大件，配埋三色椒，每一啖都好食。蠔仔粥好食😋蠔餅香脆可口，加埋個黃金鮮魷，再叫多支啤酒一流

今次去嘅餐廳，試咗佢哋嘅招牌菜：炒飯、鹹蛋炒白菜仔同沙爹肥牛煲。炒飯香氣撲鼻，粒粒飯粒鬆散唔黐，炒得金黃香脆，配料豐富，令人回味無窮。鹹蛋炒白菜仔清香爽口，鹹蛋嘅鹹香同白菜嘅清甜完美結合，一啖一口，好送飯。沙爹肥牛煲肉質鮮嫩多汁，沙爹醬香辣開胃，配菜金菇芽菜好索味，帶出菜嘅鮮甜。整體而言，呢三款菜式都係味道鮮美，烹調精湛，物超所值，價錢同外面大排檔差唔多，只可惜檯與檯之間嘅距離比較窄，環境頗嘈。如果你鐘意中式煲仔菜，呢度絕對值得一試！