影片
更多
2023-08-09
136 浏览
最近喫茶ちょうぼ 響應夏祭推出咗「夏日限定盛夏風物詩」嘅新Menu ，今次去咗位於銅鑼灣世貿中心嘅分店，試吓佢哋夏祭嘅口味。世貿中心分店採用日式裝橫，外面有棵樹同埋樓梯俾人打卡，內裏燈光柔和，運用咗日式淺色木色調，比人一種好休閒舒適嘅感覺，窗邊嘅位置好闊落，可以一邊享受美食一邊欣賞維港兩岸嘅景色。炭烤味噌鴨腿鴨腿外皮炭烤至焦脆，皮下油脂香醇嫩滑，內裹肉質軟腍，除咗啖啖肉之外，仲食到皮下有豐富嘅骨膠原，鴨香可口。伴碟有香脆薯條，粗薯條薯味十足，仲有新鮮爽脆嘅沙律菜，可以減低油膩感。夏日祭喫茶雞肉炒麵經典日式炒麵，炒麵嘅麵質彈牙，雞肉嫩滑，配上甜甜地嘅經典日式醬汁、蛋黃醬同埋柴魚片，係傳統日式味道，另外加上太陽蛋，用埋蛋黃汁嚟撈麵，大滿足。極•炸雞親子丼炸雞金黃色大大件，外脆內嫩，肉質入味，丼飯用上日本珍珠米，上面鋪滿雞肉粒，雞肉粒充滿油脂香，加埋香蒽送飯一流，配埋蛋黃汁嚟撈飯，飯粒充滿住蛋香，係完美嘅配搭。士多啤梨刨冰最新推出嘅夏日刨冰，充滿夏祭既氣氛，綿綿既刨冰淋上咗士多啤梨糖漿，味道酸酸甜甜，每一啖都係透心涼嘅感覺，消暑一流，旁邊仲有粒粒士多啤梨，味道清甜，好足料，冰裏面仲有麻糬，煙
最近喫茶ちょうぼ 響應夏祭推出咗「夏日限定盛夏風物詩」嘅新Menu ，今次去咗位於銅鑼灣世貿中心嘅分店，試吓佢哋夏祭嘅口味。
世貿中心分店採用日式裝橫，外面有棵樹同埋樓梯俾人打卡，內裏燈光柔和，運用咗日式淺色木色調，比人一種好休閒舒適嘅感覺，窗邊嘅位置好闊落，可以一邊享受美食一邊欣賞維港兩岸嘅景色。
炭烤味噌鴨腿
鴨腿外皮炭烤至焦脆，皮下油脂香醇嫩滑，內裹肉質軟腍，除咗啖啖肉之外，仲食到皮下有豐富嘅骨膠原，鴨香可口。伴碟有香脆薯條，粗薯條薯味十足，仲有新鮮爽脆嘅沙律菜，可以減低油膩感。
夏日祭喫茶雞肉炒麵
經典日式炒麵，炒麵嘅麵質彈牙，雞肉嫩滑，配上甜甜地嘅經典日式醬汁、蛋黃醬同埋柴魚片，係傳統日式味道，另外加上太陽蛋，用埋蛋黃汁嚟撈麵，大滿足。
極•炸雞親子丼
炸雞金黃色大大件，外脆內嫩，肉質入味，丼飯用上日本珍珠米，上面鋪滿雞肉粒，雞肉粒充滿油脂香，加埋香蒽送飯一流，配埋蛋黃汁嚟撈飯，飯粒充滿住蛋香，係完美嘅配搭。
士多啤梨刨冰
最新推出嘅夏日刨冰，充滿夏祭既氣氛，綿綿既刨冰淋上咗士多啤梨糖漿，味道酸酸甜甜，每一啖都係透心涼嘅感覺，消暑一流，旁邊仲有粒粒士多啤梨，味道清甜，好足料，冰裏面仲有麻糬，煙煙韌韌，口感層次豐富。
草莓沙冰
士多啤梨沙冰味道清甜，配上綿滑忌廉，入口順滑，飲落好透心涼，勁適合夏天飲。
白桃梳打白桃梳打口味好清新，可以飲到白桃嘅香氣，入口冰涼舒暢。
张贴
