影片
更多
2021-05-20
5474 浏览
工作辛苦有時會想食好啲，呢間餐廳好適合情侶同朋友gathering。有dinner二人餐，又有lunch set，法國菜黎講價錢都好相宜，味道好，裝修又靚，性價比高。極致羅西尼牛排 $288～呢個牛扒好驚喜，家姐話係佢近年食過最好食嘅牛扒，高度評價！！牛扒好有厚度好大份，但熟度剛剛好，唔會過生，好多肉汁，配合甜味醬汁，食哂成塊都唔覺得膩，但就好飽。仲有好大塊鵝肝同配有薯蓉，整體都好好食。雜錦海鮮意粉 $175～意粉份量很足夠口感偏軟，醬汁味道少少似西班牙海鮮炒飯微酸多汁，海鮮有青口帶子大蝦，好足料，熱騰騰都幾好味。帕爾馬火腿蕎麥薄餅 $118～意外地好味嘅法式薄餅，呢個係無麩質蕎麥嘅薄餅，但口感與普通薄餅無異，而且有微微蕎麥香，不過薄餅本身冇調味，必須連埋火腿一齊食，加埋啲蛋汁，口感升華。Nutella 榛子醬提拉米蘇 $88～Tiramisu加左一層薄薄的Nutella榛子醬，提拉米蘇其實味道口感中規中矩，加左榛子醬變得偏甜。晴天冰茶 $38～用橙，檸檬，迷迭香，花草茶，法國蜂蜜混合而成，視覺上好似一杯凍檸茶，但入口好清新，係一杯咖有橙味同迷迭香咪嘅高級凍檸茶。HERITAGE DE
工作辛苦有時會想食好啲，呢間餐廳好適合情侶同朋友gathering。有dinner二人餐，又有lunch set，法國菜黎講價錢都好相宜，味道好，裝修又靚，性價比高。
極致羅西尼牛排 $288
～呢個牛扒好驚喜，家姐話係佢近年食過最好食嘅牛扒，高度評價！！牛扒好有厚度好大份，但熟度剛剛好，唔會過生，好多肉汁，配合甜味醬汁，食哂成塊都唔覺得膩，但就好飽。仲有好大塊鵝肝同配有薯蓉，整體都好好食。
雜錦海鮮意粉 $175
～意粉份量很足夠口感偏軟，醬汁味道少少似西班牙海鮮炒飯微酸多汁，海鮮有青口帶子大蝦，好足料，熱騰騰都幾好味。
帕爾馬火腿蕎麥薄餅 $118
～意外地好味嘅法式薄餅，呢個係無麩質蕎麥嘅薄餅，但口感與普通薄餅無異，而且有微微蕎麥香，不過薄餅本身冇調味，必須連埋火腿一齊食，加埋啲蛋汁，口感升華。
Nutella 榛子醬提拉米蘇 $88
～Tiramisu加左一層薄薄的Nutella榛子醬，提拉米蘇其實味道口感中規中矩，加左榛子醬變得偏甜。
晴天冰茶 $38
～用橙，檸檬，迷迭香，花草茶，法國蜂蜜混合而成，視覺上好似一杯凍檸茶，但入口好清新，係一杯咖有橙味同迷迭香咪嘅高級凍檸茶。
HERITAGE DE CARILLAN CABERNET $65
～餐廳都有好多餐酒揀，呢款好易入口，好大杯，不錯的選擇。
张贴
